အပြည်ပြည်ဆိုင်ရာကလေးများကျောင်း(ISY)ကို နေပြည်တော်မှာ လာမယ့်စက်တင်ဘာလအတွင်းစတင် ဖွင့်လှစ်သွားမယ်လို့မတ်လ(၂၈)ရက်က နေပြည်တော်မှာရှိတဲ့ Park Royal Hotelမှာ ပြုလုပ်ခဲ့တဲ့ရှင်းလင်းပွဲမှ သိရပါတယ်။အပြည်ပြည်ဆိုင်ရာကလေးများကျောင်း(ISY)ကိုနေပြည်တော်မှာ လာမယ့်၂၀၁၉-၂၀၂၀စာသင်နှစ်က စတင်ဖွင့်လှစ်သွားမှာဖြစ်ပြီး ကျောင်းသား(၂၄)ဦးပါဝင်တဲ့ တန်းခွဲတစ်ခုကို စတင်ဖွင့်လှစ်သွားမယ်လို့သိရပါတယ်။ ယခုကျောင်းကိုနေပြည်တော်မှာဖွင့်လှစ်ရတာဟာ ပြောင်းရွှေ့ဖွင့်လှစ်လာမည့်သံရုံးတွေ၊ နိုင်ငံတကာအဖွဲ့အစည်းတွေက ၀န်ထမ်းတွေရဲ့ကလေးငယ်တွေအတွက် ဖွင့်လှစ်ခြင်းဖြစ်တယ်လို့သိရပါတယ်။ ပြည်တွင်းက တက်ရောက်လိုသူတွေအတွက်ကိုတော့ ကျောင်းသားဦးရေရဲ့ (၃၀)ရာခိုင်နှုန်းအထိလက်ခံသင်ကြားပေးသွားမယ်လို့ အပြည်ပြည်ဆိုင်ရာကလေးများကျောင်း(ISY)ရဲ့ ဒါရိုက်တာတစ်ဦးကပြောပါတယ်။အပြည်ပြည်ဆိုင်ရာကလေးများကျောင်း(ISY)ကိုရန်ကုန်မြို့မှာ (၁၉၅၂)ခုနှစ်က စတင်ဖွင့်လှစ်ခဲ့တာဖြစ်ပြီး လက်ရှိအချိန်မှာတော့ နိုင်ငံပေါင်း(၄၈)နိုင်ငံက ကျောင်းသားပေါင်း(၈၀၀) နီးပါးတက်ရောက်နေတယ်လို့သိရပါတယ်။ နေပြည်တော်မှာဖွင့်လှစ်သွားမယ့် အပြည်ပြည်ဆိုင်ရာကလေးများကျောင်း(ISY)ကိုတော့ မူလတန်းကြိုမှစတင်ပြီး Grade 8အထိဖွင့်လှစ်သွားမှာဖြစ်ကာ အမေရိကန်နိုင်ငံသင်ရိုးညွှန်းတမ်းများနဲ့အညီ သင်ကြားပေးသွားမယ်လို့သိရပါတယ်။

 

 

Related News