ပြည်တွင်းမှ ချည်မျှင်နဲ့အထည်အလိပ်လုပ်ငန်းရှင်များအသင်းနဲ့ ကွမ်ရှီးအထည်အလိပ်လုပ်ငန်းကျောင်းတို့မှ ချည်မျှင်နှင့်အထည်အလိပ်နည်းပညာ ပူးပေါင်းဆောင်ရွက်သွားမှာဖြစ်ပြီး အဆိုပါ ပူးပေါင်းဆောင်ရွက်မှုအစီအစဉ်မိတ်ဆက်ပွဲကို မတ်လ(၂၈)ရက်က ရန်ကုန်မြို့ ဆီဒိုးနားဟိုတယ်မှာ ကျင်းပခဲ့တာဖြစ်ပါတယ်။ချည်မျှင်နဲ့အထည်အလိပ်ကဏ္ဍဖွံ့ဖြိုးတိုးတက်ရန် ဆောင်ရွက်ချက်တစ်ခုဖြစ်တဲ့ ချည်မျှင်နှင့်အထည်အလိပ် နည်းပညာ ပူးပေါင်းဆောင်ရွက်မှုကို ကွမ်ရှီးကျွမ့်လူမျိုးကိုယ်ပိုင်အုပ်ချုပ်ခွင့်ရ တိုင်းဒေသကြီးပညာရေးဦးစီးဌာန၊ ကွမ်ရှီးစီးပွားရေးနှင့် ကုန်သွယ်မှုဆိုင်ရာ အသက်မွေးဝမ်းကျောင်းသိပ္ပံ၊ကွမ်ရှီးအထည်အလိပ်လုပ်ငန်းကျောင်း နဲ့ ပြည်တွင်းမှ ချည်မျှင်နဲ့ အထည်အလိပ်လုပ်ငန်းရှင်များအသင်းက ပူးပေါင်းဆောင်ရွက်တာဖြစ်ပါတယ်။လက်ရှိမှာ အထည်အလိပ်လုပ်ငန်းက ပြည်တွင်းရဲ့ဒုတိယမြောက် အဓိကပို့ကုန်ဖြစ်တာကြောင့် ချည်မျှင်နဲ့အထည်အလိပ်ကဏ္ဍဖွံ့ဖြိုးဖို့အတွက် ကျွမ်းကျင်ဝန်းထမ်းတွေ လိုအပ်လျက်ရှိတယ်လို့သိရပါတယ်။

ဒါကြောင့် ချည်မျှင်နဲ့အထည်အလိပ်လုပ်ငန်းတွေအတွက် ကျွမ်းကျင်ဝန်းထမ်းတွေ ပေါ်ထွက်လာစေရန်ရည်ရွယ်ပြီး ဒီလိုနည်းပညာပူးပေါင်းမှုတွေ လုပ်ဆောင်နေတာဖြစ်ပါတယ်။နည်းပညာပူးပေါင်းဆောင်ရွက်ရာမှာတော့ ပြည်တွင်းမှာရှိတဲ့ Textile & Engineering ကျောင်းသားတွေထဲက ချည်မျှင်နဲ့အထည်အလိပ်ကဏ္ဍကို အမှန်တကယ်စိတ်ပါဝင်စားသူတွေ၊သင်တန်းပြန်လည်ပေးပို့နိုင်မယ့် သူတွေကို စိစစ်ရွေးချယ်ပြီး (၂၀၁၉)ခုနှစ်၊ဇွန်လမှာ ကွမ်ရှီးအထည်အလိပ်လုပ်ငန်းကျောင်းသို့ ပြည်တွင်းက ကျောင်းသားဦးရေ(၂၀)ကို အခမဲ့ပညာတော်သင် စေလွှတ်ပေးသွားမယ်လို့ သိရပါတယ်။ဒီကျောင်းသားတွေကို ချည်ငင်ခြင်း၊ဒီဇိုင်းရေးဆွဲခြင်း၊ရက်ကန်းရက်လုပ်ခြင်း နဲ့ ဆေးဆိုးခြင်း စတဲ့ဘာသာရပ်တွေကို သင်ကြားပေးသွား မယ်လို့သိရပါတယ်။အထည်အလိပ်လုပ်ငန်းဟာ ပြည်တွင်းရဲ့အလုပ်အကိုင်အများဆုံးပေးနေတဲ့ လုပ်ငန်းတစ်ခုလည်းဖြစ်တာကြောင့် အဆိုပါကဏ္ဍဖွံ့ဖြိုးတိုးတက်လာဖို့အတွက် အဓိကလိုအပ်ချက်တစ်ခုဖြစ်နေတဲ့ ကျွမ်းကျင်လုပ်သားတွေပေါ်ထွက်လာဖို့ အတွက် နောက်ပိုင်းမှာ သက်ဆိုင်ရာဌာနများ၊ချည်မျှင်နဲ့ အထည်အလိပ်လုပ်ငန်းရှင်များအသင်းနဲ့ ကွမ်ရှီးအထည် အလိပ်လုပ်ငန်းကျောင်းတို့ ပူးပေါင်းပြီး ပြည်တွင်းမှာပါ ချည်မျှင်နဲ့အထည်အလိပ် နည်းပညာဆိုင်ရာ သင်တန်းကျောင်း တွေ ဖွင့်လှစ်သွားမယ်လို့ သိရပါတယ်။

 

 

Related News