မြန်မာ့အာမခံအသင်းနဲ့JICA တို့ပူးပေါင်းပြီး မြန်မာ့အာမခံလောကရဲ့ ၀န်ဆောင်မှုအသစ်တစ်ခုဖြစ်တဲ့ ပညာရေးအသက်အာမခံ စတင်မိတ်ဆက်ပွဲ အခမ်းအနားကို ဧပြီလ(၉)ရက်က မြန်မာ့အာမခံရုံးမှာ ပြုလုပ်ခဲ့ပါတယ်။ ပညာရေးအသက်အာမခံဟာ ကျောင်းသား၊ကျောင်းသူတွေအတွက် အုပ်ထိန်းသူတွေက ထားရှိပေးရမှာဖြစ်ပါတယ်။ ပညာရေးအသက်အာမခံထားရှိပေးမယ့် မိဘ၊အုပ်ထိန်းသူတွေအနေနဲ့ အသက်(၁၈)နှစ်ကနေ (၅၆)နှစ်အတွင်း ရှိရမှာဖြစ်ပါတယ်။ ပညာရေးအသက်အာမခံက  သား၊သမီးတွေရဲ့ပညာရေးအတွက် ငွေကြေးချွေတာ စုဆောင်းတတ်တဲ့ အလေ့အထရှိစေခြင်း၊ပညာရေးအသက်အာမခံထားရှိတဲ့သူဟာ အာမခံသက်တမ်းအတွင်းသေဆုံးခြင်း၊ထာဝစဉ်လုံးဝမသန်စွမ်းဖြစ်ခြင်းများကြောင့် အကျိုးခံစားခွင့်ရှိသူ သား၊သမီးတွေရဲ့ ပညာရေးကိုရပ်ဆိုင်းမသွားစေဘဲ  ဆုံးခန်းတိုင်ဘွဲ့ရသည်အထိ အကာအကွယ်ပေးနိုင်အောင်ထားရှိတဲ့ အာမခံဖြစ်တယ်လို့သိရပါတယ်။

အာမခံထားရှိရမယ့် ငွေပမာဏကတော့ အနည်းဆုံးငွေကျပ်သိန်း(၅၀)ကနေ အများဆုံးငွေကျပ် သိန်း(၁၀၀၀)အထိထားရှိနိုင်တယ်လို့သိရပါတယ်။ အခုလိုပညာရေးအသက်အာမခံထားရှိမှုကို ငွေကျပ်သိန်း(၅၀)ကနေစပြီးသတ်မှတ်ရတာဟာ  လက်ရှိမြန်မာနိုင်ငံရဲ့ပညာရေးစရိတ်ကိုတွက်ချက်ပြီး သတ်မှတ်ထားတာဖြစ်တယ်လို့သိရပါတယ်။အာမခံထားရှိရမယ့် သက်တမ်းကိုလည်း အမျိုးအစား(၃)မျိုးနဲ့ သတ်မှတ် ရောင်းချသွားမှာ ဖြစ်တယ်လို့သိရပါတယ်။အာမခံသက်တမ်းကို (၉)နှစ်၊(၁၁)နှစ် ၊(၁၄)နှစ်ဆိုပြီး သတ်မှတ်ထားတယ်လို့သိရပါတယ်။ဒါ့အပြင်အာမခံထားရှိသူဟာ အသက်၊ အာမခံသက်တမ်း၊ အာမခံထားရှိငွေပေါ်မူတည်ပြီး ပေးသွင်းရမယ့် ပရီမီယမ်နှုန်းထားတွေကို တွက်ချက်ပေးသွားမယ်လို့သိရပါတယ်။

ပညာရေးအသက်အာမခံကို မြန်မာ့အာမခံလုပ်ငန်းအပါအ၀င် ပုဂ္ဂလိက အာမခံကုမ္ပဏီ(၁၁)ခုမှာ ဧပြီလကစတင်ပြီး ရောင်းချသွားမယ်လို့သိရပါတယ်။အာမခံပရီမီယမ်ကြေးတွေကိုလည်း (၁)လတစ်ကြိမ်၊(၃)လတစ်ကြိမ်၊(၆)လတစ်ကြိမ်နဲ့(၁၂)လတစ်ကြိမ် အရစ်ကျပေးသွင်းနိုင်တယ်လို့သိရပါတယ်။

 

 

Related News