၂၀၁၈-၁၉ ပညာသင်နှစ်မှာ ဖြေဆိုခဲ့တဲ့ အခြေခံပညာအတန်းတွေရဲ့ အောင်စာရင်းတွေကိုတော့ ဧပြီလ(၂၁)ရက်မှာ ထုတ်ပြန်ပေးခဲ့တာဖြစ်ပါတယ်။၂၀၁၈-၁၉ခုနှစ်ပညာသင်နှစ်မှာ သင်ရိုးပုံစံအသစ်နဲ့သင်ကြားနေတဲ့ သူငယ်တန်းနဲ့ ပထမတန်း  က အတန်းတင်စာမေးပွဲ ဖြေဆိုရခြင်းမရှိဘဲ အတန်းကူးပြောင်းတက်ရောက်ခွင့် နဲ့ အောင်စာရင်းထုတ်ပြန်ပေးခဲ့တယ်လို့ သိရပါတယ်။ ဒါ့အပြင် ဒုတိယတန်း မှ န၀မတန်းအထိ  အောင်စာရင်းတွေကိုပါ တစ်ပါထဲထုတ်ပြန်ခဲ့တာ ဖြစ်ပါတယ်။ ဒီလိုထုတ်ပြန်ရာမှာ ရန်ကုန်တိုင်းဒေသကြီး၊ အနောက်ပိုင်းခရိုင်၊ လှိုင်မြို့နယ် မှာရှိတဲ့ အခြေခံပညာကျောင်း (၃၈) ကျောင်းမှာ အောင်ချက်ရာခိုင်နှုန်း (၉၉.၈၅)၊ ကိုယ်ပိုင်ကျောင်း(၆)ကျောင်းမှာ အောင်ချက်ရာခိုင်နှုန်း(၁၀၀)၊ မူလတန်းအဆင့်ဘုန်းတော်ကြီးသင် ပညာရေး ကျောင်း(၄)ကျောင်းမှာ အောင်ချက်ရာခိုင်နှုန်း(၁၀၀) နဲ့ တစ်မြို့နယ်လုံးအတွက် အောင်ချက်ရာခိုင်နှုန်း(၉၉.၈၇) ရှိခဲ့တယ်လို့ သိရပါတယ်။အောင်စာရင်း ထုတ်ပြန်ပေးရာမှာ အဆင့်သတ်မှတ်ချက်နဲ့ထုတ်ပြန်ပေးချင်းမျိုးမဟုတ်ဘဲ  အမှတ်(၈၀)မှ(၁၀၀)ကြားကို GRADE-A ၊ အမှတ်(၆၀)မှ(၇၉) အထိကို GRADE-B ဆိုပြီး GRADE အလိုက်သတ်မှတ်ပြီး ထုတ်ပြန်ပေးခဲ့တာဖြစ်ပါတယ်။ ဒီလို သတ်မှတ်လိုက်တဲ့ GRADE တွေကို မိဘတွေအနေနဲ့ သိချင်လိုပါက သက်ဆိုင်ရာကျောင်းအုပ်ကြီးများထံမှ တောင်းယူကြည့်ရှုနိုင်တယ်လို့ သိရပါတယ်။စာမေးပွဲအောင်မြင်ပြီးတဲ့ ကျောင်းသားတွေ အနေနဲ့ မေလ ၂၅ ရက်နောက်ပိုင်းမှစပြီး ကျောင်းအပ်နှံနိုင်မှာ ဖြစ်တယ်လို့ သိရပါတယ်။

 

 

Related News