လာမယ့် (၂၀၁၉-၂၀၂၀)ပညာသင်နှစ်ကစပြီး Grade-6 ကို သင်ရိုးသစ်ဖြင့် ပြောင်းလဲသင်ကြားသွားမယ်လို့ ဧပြီလ(၂၁)ရက် က ရန်ကုန်မြို့ ပညာရေးတက္ကသိုလ်လေ့ကျင့်ရေးအထက်တန်းကျောင်းမှာ ပြုလုပ်ခဲ့တဲ့ ပညာရေးသုတေသနစီမံကိန်းနှင့် လေ့ကျင့်ရေးဦးစီးဌာန၊ အခြေခံပညာဦးစီးဌာန နဲ့ ADB-EYE Project တို့ပူးပေါင်းဆောင်ရွက်တဲ့ (Grade-6 )သင်ရိုးသစ် တိုင်းဒေသကြီးအဆင့် ဆွေးနွေးပွဲ၊သင်တန်းဖွင့်ပွဲအခမ်းအနားကနေ သိရတာဖြစ်ပါတယ်။ဒီသင်ရိုးသစ်ကို လာမယ့် (၂၀၁၉-၂၀၂၀)ပညာသင်နှစ်ဖြစ်တဲ့ ဇွန်လမှစပြီး ပြောင်းလဲသင်ကြားမှာဖြစ်တာကြောင့် တစ်နိုင်ငံလုံးမှာရှိတဲ့ ဦးဆောင်သင်ကြားပေးရမယ့် ဆရာ/မ တွေအတွက် ဘာသာရပ်အလိုက် သင်ရိုးသစ်ပုံစံတွေကို သင်တန်းဖွင့်လှစ်ပို့ချနေတာဖြစ်ပါတယ်။

သင်တန်းပို့ချရာမှတော့ တိုင်းဒေသကြီးအဆင့်အဖြစ် ရန်ကုန်တိုင်းဒေသကြီးမှ ဆရာ/ဆရာမ (၂၅၀၀)ဦး နဲ့ မန္တလေးတိုင်းဒေသကြီးမှ ဆရာ/ဆရာမ(၂၅၀၀)ဦး တို့ကို ပို့ချသွားမယ်လို့သိရပါတယ်။အခုလို သင်တန်းပို့ချပြီးတဲ့ ဆရာ/ဆရာမ အယောက်(၅၀၀၀)က လာမယ့်မေလမှာ ခရိုင်အဆင့်၊မြို့နယ်အဆင့် မှာရှိတဲ့ အလယ်တန်းပြ ဆရာ/ဆရာမ တစ်သိန်းခွဲကို ပြန်လည်သင်ကြားပေးသွားမှာဖြစ်ပါတယ်။ Grade-6 အတွက်ပြောင်းလဲလိုက်တဲ့ သင်ရိုးသစ်ပုံစံက ကျောင်းသားဗဟိုပြု သင်ကြားရေးစနစ်ဖြစ်တယ်လို့ သိရပါတယ်။သင်ကြားမယ့် ဆရာ/ဆရာမတွေအနေနဲ့လည်း ယခင်လို ဖတ်စာအုပ်ကို အဓိကထားပြီး သင်ကြားတော့မှာ မဟုတ်ဘဲ သင်ကြားရေးလမ်းညွှန်ပုံစံကိုသာ အဓိကထားသင်ကြားမယ်လို့သိရပါတယ်။အခုပြုလုပ်ခဲ့တဲ့ ပညာရေးသုတေသနစီမံကိန်းနှင့် လေ့ကျင့်ရေးဦးစီးဌာန၊ အခြေခံပညာဦးစီးဌာန နဲ့ ADB-EYE Project တို့ပူးပေါင်းဆောင်ရွက် တဲ့ (Grade-6 )သင်ရိုးသစ် တိုင်းဒေသကြီးအဆင့် ဆွေးနွေးပွဲ၊သင်တန်းဖွင့်ပွဲကို ပညာရေးဝန်ကြီးဌာန၊ပြည်ထောင်စုဝန်ကြီး ဒေါက်တာမျိုးသိမ်းကြီး၊ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်း နဲ့ သက်ဆိုင်ရာဌာနများက တာဝန်ရှိသူများတက်ရောက်ခဲ့ကြပါတယ်။

 

 

Related News