အခြေခံပညာအဆင့်သင် ကိုယ်ပိုင်ကျောင်းဆရာများ အရည်အသွေးမြှင့်တင်ရေးသင်တန်းကို ဧပြီလ(၂၂)ရက်က စတင်ပြီးမန္တလေးမြို့၊  အ.ထ.က(၁၆)မှာ ပြုလုပ်နေပါတယ်။ပညာရေးဝန်ကြီးဌာနက အမျိုးသားပညာရေးမဟာဗျူဟာစီမံကိန်း(၂၀၁၆ -၂၀၂၁) ကိုအကောင်အထည်ဖော် ဆောင်ရွက်နေပြီး လက်ရှိအစိုးရလက်ထက်မှာ သူငယ်တန်း အပေါင်း(၁၂)တန်း (KG+12) ပညာရေးကို (၂၀၁၆-၂၀၁၇)ပညာသင်နှစ်က စတင်ပြောင်းလဲ ကျင့်သုံးခဲ့တာ ဖြစ်ပါတယ်။ ဒီလိုပြောင်းလဲနေတဲ့ပညာရေးမှာ ဆရာ၊ ဆရာမတွေရဲ့ အရည်အသွေးပြောင်းလဲမြင့်မားလာဖို့ ရည်ရွယ်ပြီး မန္တလေးတိုင်းဒေသကြီးကိုယ်ပိုင်ကျောင်းများအသင်းက ပညာရေးဝန်ကြီးဌာနနဲ့အတူ ပူးပေါင်းကာဆရာ၊ ဆရာမများအရည်အသွေးမြှင့်တင်ရေး သင်တန်းကို  ပထမအကြိမ်စတင်ပြုလုပ်ပေးနေတာဖြစ်တယ်လို့ သိရပါတယ်။

ဒီသင်တန်းကိုမန္တလေးတိုင်းဒေသကြီးအတွင်းရှိ ကိုယ်ပိုင်ကျောင်း(၉၄)ကျောင်းမှ မူလတန်း၊ အလယ်တန်း၊ အထက်တန်း၊ ဆရာ၊ ဆရာမ(၅၆၇)ဦး တက်ရောက်နေတာဖြစ်ပါတယ်။ သင်တန်းမှာ ပညာရေးတက္ကသိုလ်တွေက ပါမောက္ခတွေနဲ့ ပညာရှင်တွေကသင်ကြား ပို့ချမှာဖြစ်ပြီး ဆရာအတတ်ဆိုင်ရာပညာရပ်၊ စာပေပညာရပ်ဆိုင်ရာ အရည်အသွေး၊ အသက်မွေးဝမ်းကျောင်း  ပညာရပ်ဆိုင်ရာအရည်အသွေး၊ သဘောထားဆိုင်ရာ အရည်အသွေးနဲ့ စိတ်ပညာဘာသာရပ်ကိုပါ ထည့်သွင်းသင်ကြားသွားမယ်လို့ သိရပါတယ်။အခြေခံညာအဆင့်သင် ကိုယ်ပိုင်ကျောင်းဆရာများအရည်အသွေးမြှင့်တင်ရေးသင်တန်းကို ဧပြီလ(၂၂)ရက်မှမေလ(၂၂)ရက်ထိ (၁)လကြာ ဖွင့်လှစ် သင်ကြားပေးနေတာဖြစ်တယ်လို့ သိရပါတယ်။

 

 

Related News