ပညာရေးဝန်ကြီးဌာနက ပညာရေးပြုပြင်ပြောင်းလဲမှု မဟာဗျူဟာစီမံကိန်းအရ ဆရာဗဟိုပြုသင်ကြားရေးစနစ်ကနေ ကျောင်းသားဗဟိုပြုသင်ကြားရေးစနစ်ကို ပြောင်းလဲသင်ကြားပေးလျက်ရှိပါတယ်။ပြီးခဲ့တဲ့ (၂၀၁၆)ပညာသင်နှစ်မှ စတင်ပြောင်းလဲခဲ့တဲ့ သင်ရိုးညွှန်းတမ်းသစ်တွေဟာ  ကျောင်းသားကျောင်းသူတွေကို ဗဟိုပြုသင်ကြားရေးစနစ်ဖြစ်တယ်လို့ ပညာရေးဝန်ကြီးဌာန သင်ရိုးညွှန်းတမ်းဖွံ့ဖြိုးရေးအဖွဲ့ခေါင်းဆောင်ထံက သိရပါတယ်။ပညာရေးဝန်ကြီးဌာနက ပညာရေးပြုပြင်ပြောင်းလဲမှု မဟာဗျူဟာစီမံကိန်းအရ (၂၀၁၆-၂၀၁၇) ပညာသင်နှစ်မှာ သူငယ်တန်း (KG) သင်ရိုးသစ်၊ ၂၀၁၇-၂၀၁၈ ပညာသင်နှစ်မှာတော့ ပထမတန်းသင်ရိုးသစ်ကို ပြောင်းလဲသင်ကြားခဲ့ပါတယ်။

(၂၀၁၈-၂၀၁၉) ပညာသင်နှစ်မှာတော့ ဒုတိယတန်းသင်ရိုးသစ်ကို ပြောင်းလဲသင်ကြားခဲ့ပြီး လာမယ့်ပညာသင်နှစ် (၂၀၁၉-၂၀၂၀) ပညာသင်နှစ်မှာတော့ တတိယတန်းသင်ရိုးသစ်နဲ့ ဆဋ္ဌမတန်းသင်ရိုးညွှန်းတမ်းအသစ်ကိုပြောင်းလဲသင်ကြားရမှာဖြစ်ပါတယ်။ သင်ရိုးညွှန်းတမ်းအသစ်တွေမှာတော့ ကျောင်းသားကျောင်းသူတွေ ပူးပေါင်းဆောင်ရွက်တတ်စေရန်၊ ဆရာနှင့်ကျောင်းသားကျောင်းသူတွေကြားမှာ ဆက်သွယ်ပြောဆိုတတ်စေရန်၊ ကျောင်းမှ သင်ကြားပေးလိုက်တဲ့ဘာသာရပ်တွေကို ခွဲခြမ်းစိတ်ဖြာတတ်စေရန်၊တီထွင်ဖန်တီးတတ်စေရန်နဲ့ နိုင်ငံသားကောင်းစိတ်ဓာတ်ရှိစေရန်စတဲ့ အကြောင်းအရာတွေကို သင်ရိုးညွှန်းတမ်းအသစ်မှာ သင်ကြားရမှာ ဖြစ်ပါတယ်။

ဒါ့အပြင် ပညာရေးစနစ်ဟောင်းမှ ပညာရေးစနစ်သစ်ကိုပြောင်းလဲလိုက်တာကြောင့်ကျောင်းသားကျောင်းသူတွေ  တက်ရောက်ရမယ့် အတန်းနဲ့ပတ်သက်ပြီး ကွာခြားမှုအနည်းငယ်ရှိလို့ ပညာရေးဝန်ကြီးဌာန သင်ရိုးညွှန်းတမ်းဖွံ့ဖြိုးရေးအဖွဲ့ခေါင်းဆောင်မှ ပါမောက္ခ ဌေးဌေးလွင်က အခုလိုပြောပါတယ်။လက်ရှိမှာလည်း ပညာရေးပြုပြင်ပြောင်းလဲမှုအတွက် သင်ရိုးညွှန်းတမ်းအသစ်တွေ ပြောင်းလဲရေးဆွဲတဲ့အခါမှာ သင်ရိုးညွှန်းတမ်းဟောင်းတွေကိုသာ အခြေခံပြီးရေးဆွဲထားတာဖြစ်ပါတယ်။လက်ရှိမှာ ပညာရေးပြုပြင်ပြောင်းလဲမှုအတွက် မူလတန်းကို JICA မှ ကူညီထောက်ပံ့ပေးထားတာဖြစ်ပြီး  အလယ်တန်းနဲ့ အထက်တန်းကိုတော့ ADB EYE Project က ချေးငွေရယူပြီးဆောင်ရွက်နေတာဖြစ်တယ်လို့လည်း သိရပါတယ်။

 

 

 

Related News