(၂၀၁၉-၂၀၂၀)ပညာသင်နှစ်အတွက် ကြည့်မြင်တိုင်မျက်မမြင်ကျောင်းမှာ တက်ရောက်မည့် ကျောင်းသား၊ ကျောင်းသူတွေကို မေလ(၂၅)ရက်မှာ စတင်လက်ခံသွားမယ်လို့သိရပါတယ်။လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနလက်အောက်  ကြည့်မြင်တိုင်မြို့နယ်ရှိ မျက်မမြင်ကျောင်းမှာ အသက်(၆)နှစ်မှ (၁၈)နှစ်အထိ အမြင်အာရုံမသန်စွမ်းသူတွေကို  လက်ခံနေတာဖြစ်ပါတယ်။ မျက်မမြင်ကျောင်းကိုလာရောက်ကျောင်းတက်မယ့် သူတွေကိုတော့  အိမ်ထောင်စုစာရင်းမိတ္ထူ၊ မိဘမှတ်ပုံတင်မိတ္ထူ၊ သက်ဆိုင်ရာ ကျေးရွာရပ်ကွက်အတွင်းရှိ အုပ်ချုပ်ရေးမှူးထောက်ခံချက်၊ ကျန်းမာရေးထောက်ခံချက်၊ ကျောင်းစိမ်းဝတ်စုံ(၃)စုံနဲ့ ဓါတ်ပုံ(၅)ပုံ ပါရှိရမှာ ဖြစ်တယ်လို့သိရပါတယ်။

ကျောင်းတက်ရောက်မယ့် ကျောင်းသား ကျောင်းသူတွေကို စာသင်နှစ်တစ်နှစ်လုံး အခမဲ့သင်ကြားပေးမှာဖြစ်တယ်လို့ သိရပါတယ်။ကြည့်မြင်တိုင်မျက်မမြင်ကျောင်းမှာ သူငယ်တန်းမှ စတုတ္ထတန်းအထိကို ကြည့်မြင်တိုင်မျက်မမြင်ကျောင်းမှာသာ သင်ကြားပေးနေပြီး ပဉ္စမတန်းမှ တက္ကသိုလ်တက်ရောက်တဲ့ အထိကို အခြေခံပညာကျောင်းတွေမှာ တက်ရောက်ရမှာဖြစ်တယ်လို့သိရပါတယ်။အခုပညာသင်နှစ်အတွက် တက်ရောက်မည့်ကျောင်းသား၊ကျောင်းသူတွေကို လာမယ့် မေလ(၂၅)ရက်ကစပြီး လက်ခံသွား မယ်လို့သိရပါတယ်။ကြည့်မြင်တိုင် မျက်မမြင်ကျောင်းမှာ စာသင်ကြားမှုကို စိတ်ပါဝင်စားမှုမရှိတဲ့ အမြင်အာရုံမသန်စွမ်းသူတွေကို လက်မှုအသက်မွေးဝမ်းကျောင်းပညာအဖြစ် ကြိမ်ဝါးလုပ်ငန်းနဲ့ အနှိပ်ပညာကိုသင်ကြားပေးနေတယ်လို့သိရပါတယ်။

 

 

Related News