ဒဂုံမြို့နယ် မြို့နယ်လုံးကျွတ်ကျောင်းအပ်နှံရေးနေ့အခမ်းအနားကို မေလ(၂၇)ရက်က အမှတ် (၁) အခြေခံပညာ အလယ်တန်းကျောင်းမှာပြုလုပ်ခဲ့ပါတယ်။ကျောင်းနေအရွယ်ကလေးတိုင်း ကျောင်းအပ်နှံနိုင်ဖို့အတွက် လူထုလှုပ်ရှားမှုတစ်ခုအနေနဲ့ ကျောင်းအပ်နှံရေး ရက်သတ္တပတ်ကို မေလ(၂၅)ရက်မှ(၃၁)ရက်ထိ သတ်မှတ်ထားတာဖြစ်ပါတယ်။ ဒီလိုသတ်မှတ်ဆောင်ရွက်တာက နိုင်ငံအတွင်းမှာရှိတဲ့ ကျောင်းနေအရွယ်ကလေးများအားလုံး အခက်အခဲမရှိဘဲ အခြေခံပညာကျောင်းတွေတိုင်းမှာ ပညာသင်ကြားနိုင်ဖို့ အတွက်  ဆရာ၊ ဆရာမတွေနဲ့အတူ မိဘပြည်သူတွေ ပူးပေါင်းဆောင်ရွက်နေတယ်လို့ သိရပါတယ်။ အခုပြုလုပ်ခဲ့တဲ့   ဒဂုံမြို့နယ် မြို့နယ်လုံးကျွတ်ကျောင်းအပ်နှံရေးနေ့ အခမ်းအနားမှာတော့ ဒဂုံမြို့နယ်အတွင်းမှာရှိတဲ့ ကျောင်းမတက်နိုင်တဲ့ကလေးတွေ၊ ၊ပညာသင်ကြားရာမှာ အခက်အခဲရှိတဲ့ ကလေးတွေအတွက် ကျောင်းသုံးပစ္စည်းအမျိုးမျိုးနဲ့ ငွေကြေးတွေကို ထောက်ပံ့လှူဒါန်းခဲ့တာဖြစ်တယ်လို့ သိရပါတယ်။

ဒါ့အပြင် ကျောင်းအပ်နှံရာမှာ အခက်အခဲမရှိစေဖို့အတွက် ဆရာ၊ ဆရာမတွေအနေနဲ့ အဆင်ပြေစွာ ကျောင်းအပ်နှံနိုင်ရန် စီစဉ်ဆောင်ရွက်ထားတယ်လို့သိရပါတယ်။ ကျောင်းအပ်နှံရေးကာလပြီးမြောက်ပါက ဒဂုံမြို့နယ်အတွင်းမှာရှိတဲ့ အခြေခံပညာကျောင်းတွေ ဖွံ့ဖြိုးတိုးတက်ဖို့အတွက်  မြို့နယ်လွှတ်တော်ကိုယ်စားလှယ်တွေ၊ အုပ်ချုပ်ရေးမှူးတွေ၊ ရပ်မိရပ်ဖတွေ၊ ကျောင်းသားမိဘတွေနဲ့ပူးပေါင်းပြီး တွေ့ဆုံဆောင်ရွက်သွားဖို့ လုပ်ငန်းစဉ်တွေလည်းရှိတယ်လို့သိရပါတယ်။ဒဂုံမြို့နယ် မြို့နယ်လုံးကျွတ်ကျောင်းအပ်နှံရေးနေ့အခမ်းအနားကို ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးတင်မောင်ထွန်းနှင့် ဒဂုံမြို့နယ်အတွင်းမှာရှိတဲ့ အခြေခံပညာကျောင်းမှ တာဝန်ရှိသူတွေ တက်ရောက်ခဲ့ကြပါတယ်။

 

 

Related News