ဘက်စုံဘေးကင်းလုံခြုံသောစာသင်ကျောင်းလုပ်ငန်းများကို မီဒီယာများနှင့်ပူးပေါင်းပြီး မီဒီယာတွေကနေတစ်ဆင့် အသိပညာပေးလုပ်ငန်းများဆောင်ရွက်နိုင်ဖို့အတွက် အလုပ်ရုံဆွေးနွေးပွဲကို မေလ(၃၀) ရက် ရန်ကုန်မြို့ ဆူးလေရှန်ဂရီလာ ဟိုတယ်မှာပြုလုပ်ခဲ့ပါတယ်။အလုပ်ရုံဆွေးနွေးပွဲကို Plan International Myanmar နှင့် လမ်းသစ်ဖောင်ဒေးရှင်းတိုက ပူးပေါင်းပြုလုပ်ခဲ့တာဖြစ်ပါတယ်။ မြို့ပြနဲ့ အလှမ်းဝေးတဲ့ ရပ်ရွာဒေသတွေမှာ စာသင်ကျောင်းတွေကို လုံခြုံစိတ်ချမှုပေးနိုင်ပြီး ကျောင်းသား၊ ကျောင်းသူတွေ စာသင်ကြားနိုင်စေရန် ၊ ကျောင်းသား၊ ကျောင်းသူတွေအတွက် ကျောင်းတက်နေစဉ်ကာလအတွင်းမှာ သဘာဝဘေးအန္တရာယ်မှ ဘေးကင်းနိုင်ဖို့နဲ့ အသိပညာပေးနိုင်ရန် ရည်ရွယ်ပြုလုပ်တာဖြစ်တယ်လို့ သိရပါတယ်။

Plan International Myanmar နှင့် လမ်းသစ်ဖောင်ဒေးရှင်းတို့ ပူးပေါင်းပြီး ဘက်စုံဘေးကင်းလုံခြုံသောစာသင်ကျောင်းလုပ်ငန်းများကို (၂၀၁၅)ခုနှစ်မှ စတင်ကာ လုပ်ဆောင်ခဲ့တာဖြစ်ပြီး ရခိုင်ပြည်နယ်တောင်ကုတ်မြိုမှာရှိတဲ့ အခြေခံပညာကျောင်းတွေကို လုပ်ဆောင်ခဲ့ပြီးဖြစ်တယ်လို့ သိရပါတယ်။  ဘက်စုံဘေးကင်းလုံခြုံသောစာသင်ကျောင်းလုပ်ငန်းများကို လုပ်ကိုင်နိုင်ဖို့အတွက် ပညာရေးဝန်ကြီးဌာန၊ သက်ဆိုင်ရာအစိုးရ ဌာနတွေနဲ့ပူးပေါင်းပြီး ဘေးကင်းလုံခြုံသော စာသင်ကျောင်းတွေဖြစ်အောင်လုပ်ဆောင်သွားဖို့ စီစဉ်ဆောင်ရွက်လျက်ရှိတယ်လို့ သိရပါတယ်။

 

 

Related News