သြစတြေးလျ အခြေစိုက် Sonne Social Organization နဲ့ သူရိယအလင်းတို့ ပူးပေါင်းဖွင့်လှစ်ထားတဲ့ ရွေ့လျားစာသင်ပေးမှုကိုတော့ လမ်းပေါ်က ကလေးငယ်တွေကို အဓိကထားပြီး သင်ကြားပေးနေတာပါ ။တောင်ဒဂုံမြို့နယ်ရှိ ပဏ္ဍိတကျောင်းတိုက်အတွင်းမှာ ဖွင့်လှစ်ထားတဲ့စာသင်ကျောင်းကတော့ လမ်းပေါ်မှာ အမှိုက်ကောက်တဲ့ ကလေးငယ်တွေ မိဘက ဆင်းရဲချို့တဲ့လို့ ပညာမသင်ကြားနိုင်တဲ့ကလေးငယ်တွေကို ပညာသင်စောင့်ရှောက်ပေးနေတာဖြစ်ပါတယ်။ နေ့စဉ် တနင်္လာနေ့မှ သောကြာနေ့ထိ ဖွင့်လှစ်ထားပြီး စာသင်ကြားချိန်ကတော့ တစ်နေ့ကို နှစ်နာရီသင်ကြားပေးနေတာဖြစ်တယ်လို့ သြစတြေးလျ အခြေစိုက် Sonne Social Organization မှ ဌာနေကိုယ်စားလှယ် မာရီယာက ပြောပါတယ်။

စာသင်ကြားချိန်နှစ်နာရီအတွင်းမှာတော့ ကျောင်းစာအပြင် ပြည်သူ့နီတိစာပေများ စိတ်ဓာတ်ပိုင်းဆိုင်ရာမြှင့်တင်မှုများ၊ အားကစားပြုလုပ်ခြင်းတစ်ကိုယ်ရည်သန့်ရှင်းဆောင်ရွက်မှုများ၊ ကျန်းမာရေးစောင့်ရှောက်မှုများကိုပါ ပြုလုပ်ပေးနေတာဖြစ်တယ်လို့ သင်ကြားရေးပိုင်းဆောင်ရွက်သူ ဆရာမ သဲဦးအောင်က ပြောပါတယ်။ကလေးတွေအနေနဲ့လည်း ဒီလိုအခမဲ့ပညာသင်ကြားရတဲ့အတွက် ယခင်ကထက် ကျောင်းစာတွေ ပိုသိလာသလို ပြင်ပဗဟုသုတတွေပါ ရရှိလာတယ်လို့ ပညာသင်ကြားနေတဲ့ မောင်ဖြိုးမောင်မောင်က ပြောပါတယ်။

Sonne Social Organization ကတော့ ကလေးသူငယ်စောင့်ရှောက်ရေးစင်တာ(၃)ခုဖွင့်လှစ်ထားတဲ့အပြင် ရွေ့လျားစာသင်မှုလုပ်ငန်း အသက်မွေးဝမ်းကျောင်းလုပ်ငန်းဖြစ်တဲ့ ကြိမ်ရက်လုပ်တဲ့လုပ်ငန်းကို သန်လျင် သဘာဝရိပ်သာမှာ ဖွင့်လှစ်ထားတယ်လို့သိရပါတယ်။ ဒါ့အပြင် စက်ချုပ်လုပ်ငန်း ကားဝပ်လျှော့သင်တန်းတွေကို တက်ရောက်ချင်တဲ့ ကလေးတွေကိုလည်း သင်တန်းစရိတ်ထောက်ပံ့မှုတွေ ပြုလုပ်ပေးနေ တယ်လို့ သိရပါတယ်။

 

 

Related News