(၂၀၁၈- ၂၀၁၉)ပညာသင်နှစ်တက္ကသိုလ်ဝင်တန်းစာမေးပွဲအမှတ်စာရင်းတွေကို မန္တလေးမြို့ချမ်းအေးသာဇံမြို့နယ် အမှတ် (၁၄)အခြေခံပညာအထက်တန်းကျောင်းမှာ ဒီကနေ့ဇွန်လ(၁၀)ရက်မှ စတင်ကာထုတ်ပေးနေတာ ဖြစ်ပါတယ်။တက္ကသိုလ်ဝင်တန်းစာမေးပွဲအမှတ်စာရင်းတွေကို မြန်မာနိုင်ငံစာစစ်ဦးစီးဌာနက အောင်စာရင်းထွက်ပြီး(၂)ရက်အကြာမှာ ထုတ်ပေးတာဖြစ်ပြီးတိုင်းဒေသကြီးနဲ့ ပြည်နယ်တွေကမြို့တွေမှာကားတွေနဲ့MobileTeam အဖွဲ့တွေစေလွှတ်ပြီး အမှတ်စာရင်းတွေကို ထုတ်ပေးနေတယ်လို့သိရပါတယ်။ ဒီနှစ်မှာတော့နေပြည်တော်၊ရန်ကုန်နဲ့တစ်ပြိုင်နက်တည်းမန္တလေး ၊ရမည်းသင်းမြို့၊ တောင်ငူမြို့၊ပုသိမ်မြို့တွေမှာ Mobile Team အဖွဲ့တွေနဲ့ တစ်ပြိုင်တည်းထုတ်ပေးနေတာဖြစ်ပါတယ်။ ဒီမြို့တွေမှာထုတ်ပေးပြီးပါက အခြားသက်ဆိုင်ရာမြို့နယ်တွေကိုသွားရောက်ထုတ်ပေးသွားမယ်လို့ မြန်မာနိုင်ငံစာစစ်ဦးစီးဌာန ဒုတိယညွှန်ကြားရေးမှူးချုပ် ဦးအောင်ထိုက်က ပြောပါတယ်။

အမှတ်စာရင်းထုတ်ပေးရာမှာ Mobile Team အနေနဲ့ မန္တလေးမြို့မှာ ဇွန်လ (၁၀) ရက်မှ (၁၂) ရက်အထိ ထုတ်ပေး သွားမှာဖြစ်ပြီးလိုအပ်ပါကရက်ထပ်တိုးကာထုတ်ပေးသွားမယ်လို့သိရပါတယ်။ အမှတ်စာရင်းထုတ်ယူရာမှာ ဖြေဆိုသူကိုယ်တိုင်(သို့မဟုတ်) ကိုယ်စားလာရောက်ထုတ်ယူနိုင်ပြီး အမှတ်စာရင်းတောင်းခံရာမှာ ဖြေဆိုသူအမည်နဲ့ ခုံနံပါတ်လိုအပ်ပြီး အမှတ်စာရင်းတောင်းခံလွှာနဲ့ တံဆိပ်ခေါင်းဖိုးအတွက် ကျပ်(၄၀၀) ပေးသွင်းရမယ်လို့သိရပါတယ်။ အမှတ်စာရင်းလာရောက်မထုတ် ယူနိုင်တဲ့သူတွေအတွက် နေပြည်တော်နဲ့ ရန်ကုန်ရုံးတွေမှာ ဆက်လက်ထုတ်ပေးသွားမှာဖြစ်ပြီး Mobile Teamအဖွဲ့ရောက်ရှိတဲ့ နီးစပ်ရာမြို့တွေမှာလည်းလာရောက်ထုတ်ယူနိုင်တယ်လို့ သိရပါတယ်။(၂၀၁၉)ခုနှစ် တက္ကသိုလ်ဝင်တန်းအောင်စာရင်းကို ဇွန်လ (၈) ရက်က ထုတ်ပြန်ခဲ့တာဖြစ်ပြီး မန္တလေးတိုင်းဒေသကြီးက  အောင်ချက်ရာနှုန်း (၃၆.၁၃) ရာခိုင်နှုန်းနဲ့ တိုင်းဒေသကြီးနဲ့ ပြည်နယ်တွေမှာ အောင်ချက်ရာနှုန်းဒုတိယအများဆုံးဖြစ်ခဲ့တယ်လို့သိရပါတယ်။

 

 

Related News