(၂၀၁၉) ခုနှစ် တက္ကသိုလ်ဝင်ခွင့်လျှောက်လွှာဖောင်တွေကိုဖြည့်စွက်ရာမှာ ပညာရေးဝန်ကြီးဌာန အဆင့်မြင့်ပညာဦးစီးဌာန၊ တက္ကသိုလ်ဝင်ခွင့် စိစစ်ရွေးချယ်ရေးအဖွဲ့မှ ထုတ်ပေးထားတဲ့ တက္ကသိုလ်ဝင်ခွင့် လမ်းညွှန်စာအုပ်ကို ကျောင်းသား ကျောင်းသူတွေအနေနဲ့ သေချာဖတ်ရူရန်လိုအပ်တယ်လို့ အဆင့်မြင့်ပညာဦးစီးဌာနမှ သိရပါတယ်။(၂၀၁၉) ခုနှစ်တက္ကသိုလ်ဝင်ခွင့်လျှောက်လွှာဖောင်တွေကို တစ်နိုင်လုံးအတိုင်းအတာနဲ့ ဇွန်လ (၂၄)ရက်မှ သက်ဆိုင်ရာ စာစစ်ဌာနအသီးသီးမှာ ထုတ်ပေးနေတာဖြစ်ပါတယ်။ (၂၀၁၉)ခုနှစ်မှာ တက္ကသိုလ်ဝင်စာမေးပွဲကို အောင်မြင်ခဲ့ကြတဲ့ ကျောင်းသားကျောင်းသူတွေအနေနဲ့ တက္ကသိုလ်ဝင်ခွင့် လျှောက်လွှာဖောင်တွေကို ဖြည့်စွက်ရာမှာ ပညာရေးဝန်ကြီးဌာန အဆင့်မြင့်ပညာဦးစီးဌာန၊ တက္ကသိုလ်ဝင်ခွင့် စိစစ်ရွေးချယ်ရေးအဖွဲ့မှ ထုတ်ဝေပေးထားတဲ့ (၂၀၁၉)ခုနှစ် တက္ကသိုလ်ဝင်ခွင့် လမ်းညွှန်စာအုပ်ကိုကျောင်းသား၊ ကျောင်းသူတွေအနေနဲ့ သေချာဖတ်ကြည့်ပြီးမှ လျှောက်လွှာဖောင်မှာ မိမိတို့တက်ချင်တဲ့ တက္ကသိုလ်တွေကို သေသေချာချာရွေးချယ်ကြရန် လိုအပ်တယ်လို့ အဆင့်မြင့်ပညာဦးစီးဌာနမှ ဒုတိယညွှန်ကြားရေးမှူးချုပ် ဒေါ်သန်းသန်းဝင်းက ပြောပါတယ်။

ဒါ့အပြင် (၂၀၁၉) ခုနှစ်တက္ကသိုလ်ဝင်ခွင့်လျှောက်လွှာဖောင်တင်သွင်းရမယ့် လျှောက်လွှာပုံစံအိတ်ကို ပြောင်းလဲထားပြီး လျှောက်လွှာအိတ်ပေါ်မှာ ဖော်ပြထားတဲ့ တက္ကသိုလ်တွေကို လျှောက်ထားလိုပါက  အသစ်ပြောင်းလဲထားတဲ့ လျှောက်လွှာ အိတ်နဲ့ လျှောက်ရမှာဖြစ်ပါတယ်။ လျှောက်လွှာအိတ်မှာဖော်ပြထားခြင်းမရှိတဲ့ သစ်တောတက္ကသိုလ်၊ စိုက်ပျိုးရေးတက္ကသိုလ် စတဲ့တက္ကသိုလ်တွေကိုတော့ နိုင်ငံပိုင်သတင်းစာတွေမှ ခေါ်ယူမှာဖြစ်ပြီး အဆိုပါ တက္ကသိုလ်တွေက သတ်မှတ်ထားတဲ့ လျှောက်လွှာဖောင်တွေနဲ့သာ တက္ကသိုလ်တွေကို လျှောက်ထားရမှာဖြစ်ပါတယ်။ ဒါ့အပြင် ဒီနှစ်မှာ ကျောင်းသား၊ ကျောင်းသူတွေအနေနဲ့ တက္ကသိုလ်တွေကို လျှောက်ထားရာမှာ တက္ကသိုလ်ဝင်ခွင့် ရွေးချယ်ရေးအဖွဲ့က ထုတ်ပေးတဲ့ ကဒ်ပြားတစ်ခုတည်းနဲ့ပဲ တိုက်ရိုက်ဝင်ခွင့်လျှောက်ထားရမည့် တက္ကသိုလ် (၁၄)ခုနဲ့ တက္ကသိုလ်ဝင်ခွင့်ရွေးချယ်ရေးအဖွဲ့မှ  ရွေးချယ်ပေးတဲ့ တက္ကသိုလ်တွေကို လျှောက်ထားရမှာဖြစ်ပြီး ဒီကဒ်ပြားတည်းမှာပဲ တက္ကသိုလ်တွေကို ဦးစားပေးလျှောက်ထားရမှာဖြစ်တယ်လို့ အဆင့်မြင့်ပညာဦးစီးဌာနမှ ဒုတိယညွှန်ကြားရေးမှူးချုပ် ဒေါ်သန်းသန်းဝင်းက ပြောပါတယ်။တက္ကသိုလ်ဝင်ခွင့်လျှောက်လွှာဖောင်တွေကို တင်သွင်းရမှာလည်း နေ့သင်တန်းနဲ့ အဝေးသင်သင်တန်းဆိုပြီး တက္ကသိုလ်ဝင်ခွင့် လျှောက်လွှာအိတ်ပေါ်မှာ ထင်ရှာစွာရေးသားရမှာဖြစ်ပါတယ်။ တက္ကသိုလ်ဝင်ခွင့် လျှောက်လွှာဖောင်တွေကို သီးခြားတက္ကသိုလ် ၀င်ခွင့်ရွေးချယ်ရေးအဖွဲ့တွေဖြစ်တဲ့ တက္ကသိုလ်ဝင်ခွင့် တိုက်ရိုက်လျှောက်ထားရမည့် တက္ကသိုလ်(၁၄)ခုနဲ့ တက္ကသိုလ်ဝင်ခွင့် ရွေးချယ်ရေးအဖွဲ့တွေဖြစ်တဲ့ တိုင်းဒေသကြီး ပြည်နယ်အသီးသီးရှိ တက္ကသိုလ် (၂၃)ခုကို ဇွန်လ(၂၄)ရက်မှ ဇူလိုင်လ(၂၃)ရက်ထိ သတ်မှတ်ရက်ထက်နောက်မကျဘဲ  တင်သွင်းရမှာဖြစ်တယ်လို့ သိရပါတယ်။

 

 

Related News