လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသောကလေးများကျောင်း(ရန်ကုန်)မှ (၂၀၁၉-၂၀၂၀) ပညာသင်နှစ်ကစပြီး  Grade- 5 တက်ရောက်မည့် သူတွေကိုအစိုးရကျောင်းနဲ့ ချိတ်ဆက်သင်ကြားနေပါတယ်။လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသောကလေးများကျောင်း(ရန်ကုန်)ကို (၂၀၁၄)ခုနှစ် ဇွန်လက စတင်ဖွင့်လှစ်ခဲ့ပြီး အသက်(၆)နှစ်မှ (၁၈)နှစ်အတွင်းကျန်းမာသန်စွမ်းပြီး နားမကြားတဲ့ကလေးတွေကို လက်ခံသင်ကြားပေးနေတယ်လို့ သိရပါတယ်။ နားမကြားသောကလေးများကျောင်း(ရန်ကုန်)မှာ KG တန်းမှ Grade-4 အထိသာရှိပြီး Grade-4 အောင်ပြီးသူတွေကို Grade-5 တက်ရောက်ဖို့ အခု(၂၀၁၉-၂၀၂၀)ပညာသင်နှစ်ကစပြီး တာမွေမြို့နယ်ရှိ အခြေခံပညာအလယ်တန်းကျောင်း အမှတ်(၁၁)နဲ့ ချိတ်ဆက်သင်ကြားပေးနေတာဖြစ်ပါတယ်။

Grade-5 တက်ရောက်နေတဲ့ကလေးတွေကို ကျောင်းပြင်ပချိန်မှာ နားမကြားသောကလေးများကျောင်း(ရန်ကုန်)က ဆရာ၊ ဆရာမ တွေက လက်သင်္ကေတပြဘာသာနဲ့ပြန်လည် သင်ကြားပေးနေတယ်လို့သိရပါတယ်။နားမကြားသောကလေးများကျောင်း(ရန်ကုန်)မှာ လက်ရှိ တက်ရောက်နေတဲ့ ကျောင်းသား၊ ကျောင်းသူတွေဟာ အစိုးရကျောင်းတွေမှာ လက်သင်္ကေတပြဘာသာနဲ့ သင်ကြားမှုမရှိတာကြောင့်အခက်အခဲဖြစ်တယ်လို့ သိရပါတယ်။ ဒါ့အပြင် အခုတက်ရောက်နေတဲ့ နားမကြားသောကလေးများကျောင်း(ရန်ကုန်)မှာ Grade-5 ကို ဖွင့်စေချင်ပြီး မဖွင့်ဖြစ်ပါက လက်သင်္ကေတပြဘာသာနဲ့သင်ကြားပေးတဲ့ မန္တလေးနားမကြားကျောင်းမှာတက်ရောက်ဖို့ ရှိတယ်လို့ ပြောပါတယ်။ (၂၀၁၉-၂၀၂၀)ပညာနှစ်မှာ နားမကြားသောကလေးများကျောင်း (ရန်ကုန်)မှာ အဆောင်နေကျောင်းသား၊ ကျောင်းသူ အယောက် (၈၀)နဲ့ နေ့သွားညပြန် ကျောင်းသားကျောင်းသူ(၃၃)ဦးစုစုပေါင်း ကျောင်းသား၊ ကျောင်းသူ(၁၁၃) တက်ရောက်နေတယ်လို့သိရပါတယ်။ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသော ကလေးများကျောင်း(ရန်ကုန်)ရဲ့ အခြေခံပညာ မှုလတန်းအဆင့်မှာ မြန်မာလက်သင်္ကေတ၊ လက်စာလုံးပေါင်း၊ နှုတ်ဖတ်စကားပြောနဲ့ အသံထွက်လေ့ကျင့်ခြင်းတို့ကို သင်ကြားပေးနေတယ်လို့ သိရပါတယ်။

 

 

Related News