(၁၂)ကြိမ်မြာက် သိပ္ပံနှင့်အင်ဂျင်နီယာပညာရပ်ဆိုင်ရာ သုတေသနစာတမ်းဖတ်ပွဲ (၂၀၁၉)ကို ဇွန်လ(၂၇)ရက်က ရန်ကုန်နည်းပညာတက္ကသိုလ်မှာ ပြုလုပ်ခဲ့ပါတယ်။ရန်ကုန်နည်းပညာတက္ကသိုလ်နှင့် အခြားဆက်စပ်တက္ကသိုလ်များက  ဘွဲ့လွန်အင်ဂျင်နီယာ နှင့် ဗိသုကာသင်တန်းများရဲ့ ဘွဲ့ယူကျမ်းပြု သုတေသနများကို အခြေခံရေးသားထားတဲ့ သုတေသနစာတမ်းများ၊ သက်ဆိုင်ရာပညာရပ် နယ်ပယ်အတွင်းရှိ ဘွဲ့လွန်သင်တန်းများ၊ သုတေသီများ၊ ပညာရှင်များကြားမျှဝေ သိရှိနိုင်စေရန်နဲ့ ဆွေးနွေးနှီးနှော ဖလှယ်နိုင်ရန် ရည်ရွယ်ပြီး  နှစ်စဉ်ကျင်းပလာခဲ့ရာ ယခုဆို(၁၂)ကြိမ်မြောက်ရှိပြီ ဖြစ်ပါတယ်။ ဇွန်လ(၂၇)ရက်မှ ဇွန်လ(၂၈)ရက်အထိ သိပ္ပံနှင့်အင်ဂျင်နီယာပညာရပ်ဆိုင်ရာ သုတေသနစာတမ်းဖတ်ပွဲ (၂၀၁၉)ကို အင်ဂျင်နီယာ၊ ဗိသုကာနှင့် အခြားနယ်ပယ်မှ တင်သွင်းလာတဲ့ စာတမ်းပေါင်း (၁၆၀)ကို ဖတ်ကြားတင်သွင်းသွားမယ်လို့ သိရပါတယ်။

အဆိုပါ သိပ္ပံနှင့်အင်ဂျင်နီယာပညာရပ်ဆိုင်ရာ သုတေသန စာတမ်းဖတ်ပွဲ(၂၀၁၉)မှာ သုတေသနဆိုင်ရာ နယ်ပယ်အလိုက် စာတမ်းများ ဖတ်ကြားခြင်းတွေအပြင် ပညာရပ်ဆိုင်ရာ ပုဂ္ဂလိက ပြခန်းများကိုလည်း ပြသထားပါတယ်။ ဒါ့အပြင် ဖတ်ကြားထားတဲ့ စာတမ်းတွေထဲက အကောင်းဆုံးသုတေသနစာတမ်း(၃)စောင်ကို စိစစ်ရွေးချယ်ပြီး ဆုချီးမြင့်သွားမယ်လို့ သိရပါတယ်။ရန်ကုန်နည်းပညာတက္ကသိုလ်မှာ (၂၀၁၉-၂၀၂၀) ပညာသင်နှစ်အတွက် ၀င်ခွင့်များ လျှောက်ထားနိုင်ဖို့ အတွက် အင်္ဂလိပ်စာ၊ သင်္ချာ၊ ရူပဗေဒ၊ ဓာတုဗေဒ ဘာသာရပ်(၄)ခုမှာ တက္ကသိုလ်ဝင်တန်းအောင်မှတ် (၃၂၀)  အထက်ရရှိသူတွေ လျှောက်ထားနိုင်မှာဖြစ်ပြီး ကျောင်သားကျောင်းသူဦးရေ (၃၈၀) ခေါ်ယူသွားမယ်လို့သိရပါတယ်။

 

 

Related News