လက်ရှိကမ္ဘာတစ်ဝှမ်းမှာခေတ်စားလာတဲ့ IOT 4.0 နည်းပညာအကြောင်း ဆွေးနွေးပွဲကို ဇူလိုင်လ(၃)ရက်က ရန်ကုန်နည်းပညာတက္ကသိုလ်မှာ ပြုလုပ်ခဲ့ပါတယ်။IOT 4.0 က  နိုင်ငံတကာမှာတော့ ဘယ်လိုလုပ်ငန်းမျိုးမှာမဆို လူသုံးများနေတဲ့ နည်းပညာတစ်ခုဖြစ်ပြီး  မြန်မာနိုင်ငံ မှာတော့ လူသိနည်းနေသေးတယ်လို့သိရပါတယ်။ IOT ဆိုတာ တိုးပွားလာမယ့် မြို့ပြအခြေခံ အဆောက်အဦးတွေကို နည်းပညာနဲ့ ဘယ်လိုထိန်းချုပ်နိုင်မလည်းဆိုတာတွေကို အဖြေရှာတဲ့ နည်းပညာတစ်ခု ဖြစ်ပါတယ်။ ဒါ့အပြင် IOT 4.0 နည်းပညာကို အစိုးရအဖွဲ့အစည်းတွေက ဘယ်လိုအထောက်အပံ့ပေး နေလည်းဆိုတာတွေကိုပါ ဆွေးနွေးခဲ့ပြီး ရန်ကုန်နည်းပညာတက္ကသိုလ်က ကျောင်းသူ၊ ကျောင်းသားတွေကိုလည်း သိစေချင်တဲ့ ရည်ရွယ်ချက်နဲ့ ပြုလုပ်ခဲ့တာ ဖြစ်တယ်လို့ သိရပါတယ်။

IOT 4.0 ကို နိုင်ငံတကာက စက်ရုံ၊ အလုပ်ရုံတွေမှာ မဖြစ်မနေအသုံးပြုရမယ့် ဥပဒေတွေ ချမှတ်ဆောင်ရွက် နေတာတွေရှိနေပြီး အသုံးပြုနေတဲ့ကုမ္ပဏီတွေကို အစိုးရကထောက်ပံ့ပေးတာတွေရှိတယ်လို့ သိရပါတယ်။ IOT 4.0 နည်းပညာက နည်းပညာတက္ကသိုလ်ရဲ့ မေဂျာအချို့ဖြစ်တဲ့ မက်ကက်ထရောနစ်၊ အလက်ထရောနစ်၊ အလက်ထရစ် ကယ်နဲ့ IT မေဂျာ စတဲ့ မေဂျာ(၄)ခုအတွက် အထောက်အကူပြုတဲ့ နည်းပညာတစ်ခုဖြစ်တယ်လို့ သိရပါတယ်။

အဆိုပါပွဲကို ရန်ကုန်နည်းပညာတက္ကသိုလ်နဲ့ DIGINET Trading- Service - Solution  ကုမ္ပဏီတို့ ပူပေါင်းပြုလုပ် တာဖြစ်ပါတယ်။ DigiNET Trading Service Solution ကုမ္ပဏီအနေနဲ့ IOT 4.0 နည်းပညာကို လက်တွေ့ အသုံးပြုနိုင်အောင် ရန်ကုန်ရှိ ကျောင်းပေါင်း (၁၀)ကျောင်းကို လှူဒါန်းသွားမယ်လို့ သိရပါတယ်။ ယခုပြုလုပ်ခဲ့တဲ့ IOT 4.0 နည်းပညာအကြောင်းဆွေးနွေးပွဲမှာ နည်းပညာပိုင်းဆိုင်ရာစိတ်ဝင်စားတဲ့ ကျောင်းသား၊ ကျောင်းသူတွေအပြင် အခြားပြင်ပက IOT 4.0 နည်းပညာကို စိတ်ဝင်စားသူတွေတက်ရောက်ခဲ့ကြပါတယ်။

 

 

Related News