ရန်ကုန်ပညာရေးတက္ကသိုလ်နဲ့ ဂျပန်နိုင်ငံရှိ  Okayama University (အိုကာယာမ)က  ဦးစီးပြီး ဆရာ/ဆရာမတွေရဲ့ ပညာသင်ကြားမှု အရည်အသွေးမြင့်မားရေး အတွက် ဆွေးနွေးမှုကို ဇူလိုင်လ(၉)ရက်မှ (၁၁)ရက်ထိ ရန်ကုန်ပညာရေးတက္ကသိုလ် စုဝေးခန်းမမှာ ပြုလုပ်ခဲ့ပါတယ်။အခြေခံပညာကျောင်းတွေမှာစာသင်ကြားပေးနေတဲ့ ဆရာဆရာမတွေအပြင်  ဆရာဖြစ်သင်တန်းမှ ဆရာ/ဆရာမတွေ စာသင်နည်းစနစ်တွေ တိုးတက်လာစေဖို့၊တခြားသောနိုင်ငံတွေရဲ့ ပညာသင်စနစ်တွေကိုသိရှိစေဖို့ ၊ ပြည်တွင်းမှာရှိတဲ့ ပညာရေးစနစ်ဖွံ့ဖြိုးလာစေဖို့ အပြင် စာသင်ကြားရာမှာ လိုအပ်တဲ့အပိုင်းတွေကို အချင်းချင်းဖြည့်စွက်ထောက်ပြနိုင်စေဖို့စတဲ့ ရည်ရွယ်ချက်တွေနဲ့ပြုလုပ်ခဲ့တာဖြစ်ပါတယ်။

အခုပြုလုပ်ခဲ့တဲ့ဆွေးနွေးပွဲမှာတော့ ပြည်တွင်းက ရန်ကုန်ပညာရေးတက္ကသိုလ်၊ စစ်ကိုင်းပညာရေးတက္ကသိုလ်၊ ပညာရေးကောလိပ်အပြင်  ဂျပန်၊ အင်ဒိုနီးရှား၊ မွန်ဂိုးလီးယား၊ ကိုရီးယားနိုင်ငံတို့ရှိ တက္ကသိုလ်ကျောင်းများမှ ဆရာ/ဆရာမတွေနဲ့ ပညာရပ်ဆိုင်ရာဖွံ့ဖြိုးတိုးတက်မှုဆိုင်ရာ ပရောဂျက်တွေကို ဆွေးနွေးခဲ့ကြတာဖြစ်ပါတယ်။ဆွေးနွေးပွဲကို ဇူလိုင်လ(၉)ရက်မှ (၁၁)ရက်ထိ (၃)ရက်ကြာပြုလုပ်ခဲ့တာဖြစ်ပြီး ဆွေးနွေးပွဲတက်ရောက်လာတဲ့ ဆရာ၊ဆရာမများက ယခင်နှစ်ရဲ့ Report များကို ပြန်လည်တင်ပြဆွေးနွေးခြင်း၊ဆရာဆရာမတွေရဲ့ အရည်အသွေးမြင့်မားရေးအတွက် ပရောဂျက်များရေးဆွဲခြင်းနဲ့ ဘာသာရပ်အလိုက် စာတမ်းများဖတ်ကြားခြင်း နဲ့ ရန်ကုန်ပညာရေးတက္ကသိုလ်ကို လက်တွေ့ကွင်းဆင်းလေ့လာခြင်းတို့ပြုလုပ်ခဲ့တယ်လို့သိရပါတယ်။

 

 

Related News