တစ်နိုင်ငံလုံးမှာရှိတဲ့ အခြေခံပညာကျောင်းတွေရဲ့စာသင်ကြားမှုအချိန်ကို ဇူလိုင်လ(၁)ရက်မှာ စတင် ပြောင်းလဲခဲ့တာဖြစ်ပြီး လက်ရှိမှာလည်း ကျောင်းသားကျောင်းသူတွေရဲ့ စာသင်ချိန်တွေကို တိုးမြှင့်ထားတယ်လို့ သိရပါတယ်။အခြေခံပညာကျောင်းတွေမှာနှစ်ချိန်တက်ရတဲ့အခြေခံပညာကျောင်းတွေနဲ့ တစ်ကြိမ်တက်ရတဲ့ အခြေခံပညာကျောင်းတွေဆိုပြီး ကျောင်းတက်ချိန်တွေကို ခွဲခြားသတ်မှတ်ထားတာတွေရှိပါတယ်။ အခြေခံပညာကျောင်းတွေမှာတော့ အရင်က စာသင်ချိန်ကို ဘာသာရပ်တစ်ခုကို (၄၅)မိနစ်နဲ့ (၇)ချိန်သင်ကြားရတာဖြစ်ပြီး အသစ်ပြောင်းလဲလိုက်တဲ့ စာသင်ချိန်မှာတော့ စာသင်ချိန်ကို ဘာသာရပ်တစ်ခုကို (၄၅)မိနစ်နဲ့ (၈)ချိန်ပြောင်းလဲသင်ကြားရတာဖြစ်တယ်လို့ သိရပါတယ်။ အခုလို စာသင်ချိန်တွေကို ပြောင်းလဲ လိုက်တာက စာရိတ္တနှင့်လောကနီတိ ဘာသာရပ်၊ သက်မွေးပညာ/ စိုက်ပျိုးရေး ဘာသာရပ်၊ ကာယပညာဘာသာရပ်တွေကို အဓိကထားပြီး သင်ကြားပေးရမှာဖြစ်တယ်လို့ သိရပါတယ်။

အခုလို စာသင်ချိန်တွေကို တိုးမြှင့်လိုက်တာက ပြောင်းလဲလိုက်တဲ့ပညာရေးစနစ်သစ်မှာ ကျောင်းသား/ကျောင်းသူတွေကို စာချည်းသင်ကြားပေးနေတာမဟုတ်ပဲ ကျောင်းသား/ကျောင်းသူတွေကို အားကစားပိုင်းနဲ့ သိသင့်တဲ့ ဗဟုသုတအပိုင်းတွေကို သိရှိစေဖို့ အခုလို ပြောင်းလဲလိုက်တာဖြစ်တယ်လို့လည်း သိရပါတယ်။

အသစ်ပြောင်းလဲလိုက်တဲ့ ပညာရေးစနစ်သစ်မှာတော့ ဆရာ/ဆရာမ ဗဟိုပြုသင်ကြားနည်းစနစ်မဟုတ်ပဲ ကျောင်းသား/ကျောင်းသူ တွေကို ဗဟိုပြုသင်ကြားတဲ့ နည်းစနစ်လည်းဖြစ်ပါတယ်။(၂၀၁၉-၂၀၂၀) ပညာသင်နှစ်မှာတော့ Grade-3 နှင့် Grade -6 သင်ရိုးညွှန်း တန်းတွေကို ပြောင်းလဲသင်ကြားနေတာဖြစ်ပါတယ်။

 

 

Related News