တက္ကသိုလ်တွေကကျောင်းသားကျောင်းသူလူငယ်တွေစုပေါင်းပြုလုပ်တဲ့ပညာဒါန(၂၁)ရာစုအသုံးလုံးပညာရေး လှုပ်ရှားမှုအစီအစဉ် တွေရဲ့ ရလာဒ်တွေပြန်လည်တင်ပြတဲ့အခမ်းအနားကိုဇူလိုင်လ(၁၄)ရက်ကမန္တလေးမြို့ဟိုတယ်(၇၈)မှာပြုလုပ်ခဲ့ပါတယ်။ ကျေးလက်နေကျောင်းသားကျောင်းသူတွေကိုပညာဒါနသင်ကြားပေးတဲ့(၂၁)ရာစုအသုံးလုံးပညာရေးလှုပ်ရှားမှုကို မန္တလေး တက္ကသိုလ်နဲ့ တက္ကသိုလ်ပေါင်းစုံကကျောင်းသားကျောင်းသူတွေဦးဆောင်ပြီးစတင်ပြုလုပ်ခဲ့ကြတာပါ။ ယခုနှစ်မှာ ပထမဆုံး အနေနဲ့ မကွေးတိုင်းဒေသကြီးရေစကြိုမြို့နယ် မအူအောက်ဆိပ်အထက်တန်းကျောင်း ၊ရေနံချောင်းမြို့နယ်ချိုင်းကျေးရွာ အထက်တန်းကျောင်းနဲ့ဘေးမဲ့အလယ်တန်းကျောင်းတွေကကျောင်းသား ကျောင်းသူတွေကိုအင်္ဂလိပ်စာ၊ အိုင်တီ၊ အားကစားနဲ့ အထွေထွေ ဗဟုသုတတွေကိုဧပြီလ(၁)ရက်ကမေလ(၁၀) ရက်အထိရက်ပေါင်း(၄၀)ကြာသင်ကြားပေးခဲ့တာပါ။ ဒီအစီအစဉ်ကနေ စီမံကိန်းပြင်ဆင်ရေးအစီအစဉ်၊ စီမံကိန်းအကောင်အထည်ဖော်ရေးနဲ့စီမံကိန်းရေရှည်တည်တံ့ရေး ရလာဒ်အစီအစဉ်တွေကို သက်ဆိုင်ရာ တာဝန်ရှိသူတွေအားပြန်လည်တင်ပြခဲ့တာပါ။ ရလာဒ်တွေကောင်းမွန်ခဲ့သလိုရေရှည်မှာ ကျောင်းသားအလုပ်အမှု ဆောင်အသစ်တွေအမြဲရှိဖို့၊ရန်ပုံငွေရရှိဖို့နဲ့စနစ်တကျသုံးစွဲဖို့၊ စီမံကိန်းဒေသပြည်သူလူထုပူးပေါင်းပါဝင်ဖို့လည်း လိုအပ်တယ်လို့ (၂၁)ရာစုအသုံးလုံးပညာရေးလှုပ်ရှားမှုအဖွဲ့ခေါင်းဆောင် ကိုချမ်းမြေ့မောင်က ပြောပါတယ်။

(၂၁)ရာစုအသုံးလုံးပညာရေးလှုပ်ရှားမှုအစီအစဉ်ကကျေးလက်မှာရှိတဲ့အလယ်တန်နဲ့အထက်တန်းကလေးတွေကို ပညာရေးကို ပံ့ပိုးထောက်ပံ့ပေးဖို့ဖြစ်လို့အဲ့ဒီကျောင်းတွေမှာသင်ထောက်ကူအသုံးပြုရေးအစီအစဉ်နဲ့စာကြည့်တိုက်တွေအသုံးပြုနိုင်အောင် ဖွင့်ထားပေးနိုင်ခဲ့ပြီးလက်ရှိကွန်ပျူတာပညာဒါနသင်တန်းတွေကိုလည်းတက္ကသိုလ် ကျောင်းသားလူငယ်တွေက ဆက်လက် သင်ကြားပေးနေတယ်လို့ သိရပါတယ်။ ယခုနှစ်ပရောဂျက်မှာ ကလေး ငယ်(၁၀၀၀)ကျာ်ကိုပညာဒါနအခမဲ့ သင်ကြားပေးနိုင်ခဲ့ပြီး လာမယ့်ပရော့ဂျက်တွေအတွက် ပြန်လည်လေ့လာ ဆန်းစစ်မှုတွေပြုလုပ်ကာကျေးလက်ပညာဒါနကို အကောင်းဆုံး အကောင် အထည်ဖော်သွားမယ်လုိ့ သိရပါတယ်။

(၂၁)ရာစုအသုံးလုံးပညာရေးလှုပ်ရှားမှုအစီအစဉ်ရဲ့ရလာဒ်ပြန်လည်တင်ပြတဲ့ အခမ်းအနားကိုမန္တလေးတက္ကသိုလ် ဒုတိယ ပါမောက္ခချုပ် ဒေါက်တာ တင်ထွန်းအောင်နဲ့ တာဝန်ရှိသူတွေ၊ တက္ကသိုလ်ကျောင်းသား ကျောင်းသူဟောင်းတွေ၊ အလှူရှင်တွေနဲ့ ပရောဂျက်မှာပါဝင်တဲ့ကျောင်းသားလူငယ်တွေတက်ရောက်ခဲ့ကြပါတယ်။ (၂၁)ရာစုအသုံးလုံးပညာရေး လှုပ်ရှားမှုပညာဒါန အစီအစဉ်က အဖွဲ့အစည်းတွေရဲ့ အထောက်အပံ့နဲ့ဆောင်ရွက်တာမဟုတ်ဘဲ လက်ရှိကျောင်းတက်နေကြတဲ့ တက္ကသိုလ် ကျောင်းသားတွေ ကိုယ်တိုင်ဦးဆောင်ဆောင်ရွက်ကြတာဖြစ်ပြီးရန်ပုံငွေအတွက် အလှူရှင်တွေကပံ့ပိုးကူညီပေးတယ်လို့ သိရပါတယ်။

 

 

Related News