(၂၀၁၉-၂၀၂၀)ပညာသင်နှစ်အတွက်  ရန်ကုန်နိုင်ငံခြားဘာသာတက္ကသိုလ်မှာ ကျောင်းသား/ကျောင်းသူ (၈၀၀)၀န်းကျင် လက်ခံသွားမှာ ဖြစ်တယ်လို့ ရန်ကုန်နိုင်ငံခြားဘာသာတက္ကသိုလ်မှ ပါမောက္ခချုပ်ထံမှသိရပါတယ်။ပြီးခဲ့တဲ့ ၂၀၁၈ ခုနှစ်က စတင်ပြီး တက္ကသိုလ်တွေကို  ဝင်ခွင့်တိုက်ရိုက်ခေါ်ယူတဲ့ စနစ်ကိုပြောင်းလဲခဲ့ကာ စတင်ပြောင်းလဲခဲ့တဲ့ နှစ်မှာတော့ တက္ကသိုလ် (၁၁)ခုပါဝင်ခဲ့တာဖြစ်ပြီး အခု(၂၀၁၉)ခုနှစ်မှာတော့ ၀င်ခွင့်တိုက်ရိုက်ခေါ်ယူတဲ့ တက္ကသိုလ်တွေက (၁၄)ခု ဖြစ်လာခဲ့ပါတယ်။ အဆိုပါ တက္ကသိုလ်(၁၄)ခုထဲမှာ နိုင်ငံခြားဘာသာတက္ကသိုလ်လည်း အပါအ၀င်ဖြစ်ပါတယ်။(၂၀၁၉-၂၀၂၀) ပညာသင်နှစ်အတွက် ရန်ကုန်နိုင်ငံခြား ဘာသာ တက္ကသိုလ်မှာတော့ ကျောင်းသား/ကျောင်းသူ (၈၀၀)၀န်းကျင်လက်ခံသွားမှာဖြစ်ပြီး (၂၀၁၉)ခုနှစ် တက္ကသိုလ်ဝင်စာမေးပွဲမှာ ရမှတ် (၄၀၀)နဲ့ အထက်ရရှိသူ၊အင်္ဂလိပ်စာဘာသာရပ်တက်ရောက်လိုတဲ့ ကျောင်းသား/ ကျောင်းသူတွေကတော့ အင်္ဂလိပ်စာရမှတ် (၆၅)မှတ်နဲ့ အထက် ရရိ်ှသူတွေ လျှောက်ထားနိုင်တာဖြစ်ပြီး ဇူလိုင်လ(၂၃)ရက်ထိ လျှောက်ထားနိုင်တာဖြစ်ပါတယ်။ပြီးခဲ့တဲ့ ပညာသင်နှစ်မှာ ရန်ကုန်နိုင်ငံခြားဘာသာတက္ကသိုလ်လျှောက်ထားတဲ့ ကျောင်းသား/သူတွေကို လူတွေ့စစ်ဆေးတာတွေ လုပ်ဆောင် ခဲ့ပေမယ့် ဒီနှစ်မှာတော့ လူတွေ့စစ်ဆေးတာတွေ မရှိတော့ဘူးလို့ သိရပါတယ်။ ရန်ကုန်နိုင်ငံခြားဘာသာတက္ကသိုလ်မှာတော့ တရုတ်ဘာသာ၊ အင်္ဂလိပ်ဘာသာ၊ ပြင်သစ်ဘာသာ၊ ဂျာမန်ဘာသာ၊ ဂျပန်ဘာသာ၊ ကိုးရီးယားဘာသာ၊ ရုရှားဘာသာ၊ ထိုင်းဘာသာ  စတဲ့ ဘာသာရပ်(၈)ခုကို သင်ကြားရမှာဖြစ်ပြီး ဘာသာရပ်တစ်ခုချင်းအလိုက် ပညာသင်နှစ်ကတော့(၄)နှစ်သင်ကြားရမှာဖြစ်ပါတယ်။ရန်ကုန်နိုင်ငံခြားဘာသာတက္ကသိုလ်မှာတော့ နေ့ပိုင်းသင်တန်းတွေအပြင်  ညပိုင်းသင်တန်းတွေကိုပါ ဖွင့်လှစ်သင်ကြားပေးနေတာ ဖြစ်ပါတယ်။

 

 

Related News