တစ်နိုင်ငံလုံးအတိုင်းအတာအနေနဲ့ အခြေခံပညာစာသင်ကျောင်းဆောင်ပေါင်း ငါးသောင်းဝန်းကျင် လိုအပ်ချက်ရှိနေသေးတယ်လို့ ဇူလိုင်လ(၂၇)ရက်က  ရန်ကုန်မြို့ Pan Pacific Hotel မှာ ပြုလုပ်ခဲ့တဲ့ ရွှေတောင်ဖောင်ဒေးရှင်းမှ ကျောင်းဆောင်ပေါင်း (၁၁၀)ဆောက်လုပ်လှူဒါန်းသည့်အစီအစဉ်တွင် အတူတကွပါဝင်လှူဒါန်းခဲ့ကြသော  ပုဂ္ဂိုလ်များနှင့် အဖွဲ့အစည်းအသီးသီးတို့အား ကျေးဇူးတင်ဂုဏ်ပြုသည့်အခမ်းအနားမှာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားခဲ့တာ ဖြစ်ပါတယ်။ တစ်နိုင်ငံလုံးမှာ အခြေခံပညာစာသင်ကျောင်းပေါင်း (လေးသောင်း ခုနှစ်ထောင့် ငါး)ကျောင်းရှိပြီး ကျောင်းဆောင်ပေါင်းက နှစ်သိန်းဝန်းကျင် ရှိပါတယ်။ အဲ့ဒီစာသင်ကျောင်းဆောင်ပေါင်း နှစ်သိန်းဝန်းကျင်ထဲမှ နှစ်စဉ်အန္တရာယ်ရှိတဲ့ စာသင်ကျောင်းဆောင်က (၃)ထောင်ဝန်းကျင် ရှိနေတာဖြစ်ပြီး တစ်နိုင်ငံလုံးအတိုင်းအတာနဲ့လိုအပ်နေတဲ့ကျောင်းဆောင်က ငါးသောင်းဝန်းကျင် လိုအပ်နေတာ ဖြစ်ပါတယ်။အခုလိုတစ်နိုင်ငံလုံးမှာ အခြေခံစာသင်ကျောင်းဆောင်တွေက နှစ်စဉ်လိုအပ်ချက်ရှိနေတာကြောင့်  ရွှေတောင်ဖောင်ဒေးရှင်းမှ ဆောက်လုပ်လှူဒါန်းခဲ့ရာ အခြေခံစာသင်ကျောင်းဆောင်ပေါင်း (၁၁၀)ပြည့်မြောက်ခဲ့ပြီဖြစ်ကြောင်း သိရပါတယ်။ ကျောင်းဆောင်တွေကို လှူဒါန်းရာမှာလည်း  သဘာဝဘေးဒဏ် ခံနိင်တဲ့ ကျောင်းဆောင်တွေကို ဆောက်လုပ်လှူဒါန်းခဲ့ပြီး စာသင်ကျောင်းဆောင်တွေအပြင်  ပညာသင်ကြားရာမှာ လိုအပ်တဲ့ စာသင်ခုံ၊ စာရေးကိရိယာပစ္စည်းတွေ၊သင်ထောက်ကူပစ္စည်းတွေကိုပါ လှူဒါန်းခဲ့တာဖြစ်ပါတယ်။

ဒါ့အပြင် စာသင်ကျောင်း ဆောင်တွေကို ဆောက်လုပ်လှူဒါန်းပြီးပါက ရေရှည်တည်တံ့အောင်  ထိန်းသိမ်းစောင့်ရှောက်ရေးတွေကိုပါ  လုပ်ဆောင်ပေးထားတယ်လို့ သိရပါတယ်။အခုလို ကျောင်းဆောင်တွေကို လှူဒါန်းခဲ့တာကြောင့် ကျောင်းသား/ကျောင်းသူတွေအနေနဲ့  ပညာသင်ကြားရာမှာ  အဆင်ပြေမှု ရှိစေပြီး စာသင်ဆောင်တွေအပြင် ကျောင်းသား/ကျောင်းသူတွေအတွက် ကစားကွင်းတွေကိုပါ တည်ဆောက်ပေးတာကြောင့် ဆရာ/ဆရာမတွေ ကျောင်းသား/ကျောင်းသူတွေအတွက်ပါ အကျိုးကျေးဇူးရရှိတယ်လို့ သိရပါတယ်။ရွှေတောင်ဖောင်ဒေးရှင်းမှ ပြုလုပ်တဲ့ ကျောင်းပေါင်း(၁၁၀)ပြည့် လှူဒါန်းပွဲမှာတော့ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး၊ ပညာရေးဝန်ကြီးဌာနမှ တာဝန်ရှိသူတွေနဲ့ ရန်ကုန်တိုင်းဒေသကြီးအပြင် တခြားသောတိုင်းဒေသကြီး/ ပြည်နယ်အသီးသီးမှ  ဆရာ/ဆရာမတွေ တက်ရောက်ခဲ့ပြီး ကျောင်းဆောက်လုပ်လှူဒါန်းရာမှာ ပါဝင်ခဲ့တဲ့ အလှူရှင်တွေလည်း တက်ရောက်ခဲ့ကြပါတယ်။

 

Related News