စာကြည့်တိုက်ယဉ်ကျေးမှုထွန်းကားရေးနှင့်စာပေပြန့်ပွားရေး Save The Library စာကြည့်တိုက်များကွန်ရက်မှ ဦးဆောင်ကျင်းပတဲ့ စာဖတ်ရှိန်မြှင့်တင်ရေးနှင့်စာအုပ်ဈေးရောင်းပွဲတော်ကို သြဂုတ်လ(၁)ရက်ကနေ သြဂုတ်လ(၇)ရက်အထိ ရန်ကင်းစင်တာမှာ ပြုလုပ်နေတာဖြစ်ပါတယ်။ပွဲတော်မှာ သုတ၊ ရသစာပေတွေကို (၅၀)ရာခိုင်နှုန်းအထိလျှော့ဈေးနဲ့ ရောင်းချပေးနေပြီး စာအုပ်အဟောင်းတွေကိုတော့ တစ်အုပ်ကို (၁၀၀၀)ကျပ်ဖြင့်ရောင်းချပေးနေတာဖြစ်ပါတယ်။ ယခုပြုလုပ်နေတဲ့ စာဖတ်ရှိန်မြှင့်တင်ရေးနှင့် စာအုပ်ဈေး ရောင်းပွဲတော်က ရရှိတဲ့ အကျိုးအမြတ်တွေကို မြန်မာပြည်အနှံအပြားမှာရှိတဲ့ ကျောင်းစာကြည့်တိုက်တွေ၊ ပြည်သူ့စာ ကြည့်တိုက်တွေကို လှူဒါန်းသွားမှာဖြစ်တယ်လို့သိရပါတယ်။  ဒါ့အပြင် စာကြည့်တိုက်ကို လှူဒါန်းနိုင်ဖို့အတွက် ၀ယ်ယူတဲ့ စာအုပ်မှာမိမိအမည်ကို ရေးထိုးကာလှူဒါန်းသွားနိုင်တယ်လို့ သိရပါတယ်။

အခုလို စာဖတ်ရှိန်မြှင့်တင်ရေးနှင့်စာအုပ်ဈေးရောင်းပွဲတော်ပြုလုပ်ပေးရတာက ပြည်သူတွေအနေနဲ့စာကြည့်တိုက်တွေကို စိတ်ဝင်စားပြီး ကူညီပံ့ပိုးပေးဖို့နဲ့  စာကြည့်တိုက်တွေမှာ စာအုပ်တွေရရှိစေဖို့ ရည်ရွယ်လုပ်ဆောင်တာဖြစ်တယ်လို့သိရပါတယ်။ ပြုလုပ်နေတဲ့ (၇)ရက်အတွင်းမှာ စာအုပ်ဈေးရောင်းပွဲတော်အပြင် ဂီတအနုပညာဖြင့်ဖျော်ဖြေခြင်း၊ ဒေသတွင်းစာကြည့်တိုက်များ စကားဝိုင်းတွေနဲ့ ကျောင်းစာကြည့်တိုက်နှင့် ပြည်သူ့စာကြည့်တိုက်များအား စာအုပ်လှူဒါန်းခြင်းတွေကို လုပ်ဆောင်သွားမှာ ဖြစ်တယ်လို့ သိရပါတယ်။ Save The Library ကို (၂၀၁၅)ခုနှစ်ကစတင်တည်တောင်ခဲ့တာဖြစ်ပြီး လက်ရှိမှာ မြန်မာပြည်အနှံ့က စာကြည့်တိုက်ပေါင်း (၃၀၀)ကျော်ကို စာအုပ်များလှူဒါန်းခဲ့ပြီး ဖြစ်တယ်လို့သိရပါတယ်။

 

 

Related News