ကျောင်းသူဟောင်းများ စုစည်းညီညွတ်စွာ လက်တွဲဆောင်ရွက်ဖို့နဲ့ မွန်စာပေနှင့် ယဉ်ကျေးမှုကော်မတီ (တက္ကသိုလ်များ-ရန်ကုန်)ရဲ့ နှစ်(၅၀)ပြည့် ရွှေရတုအခမ်းအနားကို ဇန်န၀ါရီ ၉ ရက်က ရန်ကုန်တက္ကသိုလ်မှာ ပြုလုပ်ခဲ့ပါတယ်။ မွန်တိုင်းရင်းသား စာပေနှင့် ယဉ်ကျေးမှုဆပ်ကော်မတီ တက္ကသိုလ်များ-ရန်ကုန်ကို မွန်ကျောင်းသား၊ ကျောင်းသူများက (၁၉၆၆)ခုနှစ်မှာ ဖွဲ့စည်းခဲ့ပြီး ကော်မတီအနေနဲ့ မွန်စာပေနဲ့ ယဉ်ကျေးမှုဆိုင်ရာများ ဖွံ့ဖြိုးတိုးတက်ဖို့အတွက် ခေတ်အဆက်ဆက် လက်ဆင့်ကမ်းဆောင်ရွက် ခဲ့တာ (၂၀၁၆-၁၇)စာသင်နှစ်မှာတော့ နှစ်(၅၀)သက်တမ်း ရှိခဲ့ပြီလို့ သိရပါတယ်။

ဒီပွဲမှာတော့ နှစ်(၅၀)ပြည့်ရွှေရတုအခမ်းအနားအပြင် အနာဂတ်မွန်အမျိုးသားရေးကဏ္ဍ များကို ရှေ့ဆက်လုပ်ဆောင်သွားဖို့ မွန်ကျောင်းသား၊ ကျောင်းသူများကို ခေတ်အဆက်ဆက် တွေ့ဆုံစေပြီး အချင်းချင်းချစ်ကြည်ရင်းနှီးမှုခိုင်မာစေဖို့ ရည်ရွယ်ပြုလုပ်တာလို့ သိရပါတယ်။မွန်ယဉ်ကျေးမှုဆိုင်ရာ မှတ်တမ်းဓာတ်ပုံနဲ့အတူ ခေတ်အဆက်ဆက်က မွန်ကျောင်းသား၊ ကျောင်းသူဟောင်းတွေရဲ့ လှုပ်ရှားဆောင်ရွက်ပုံတွေကို မှတ်တမ်းတင်ခဲ့တယ်လို့ သိရပါတယ်။ ဒီရွှေရတုအထိမ်းအမှတ် မဂ္ဂဇင်းကိုပါ ရောင်းချခဲ့ပြီး ဆရာကန်တော့ပွဲအခမ်းအနားကိုပါ  ထည့်သွင်းကျင်းပခဲ့တာဖြစ်ပါတယ်။

Related News