အချိန်တိုတိုနှင့် လက်တွေ့ထိရောက်သော လူမှုဆက်ဆံရေးနည်းနာများကို အသိပေးရန် ရည်ရွယ်ပြီး “လူမှုဆက်ဆံရေး အရည်အသွေး”အမည်နဲ့ ပြုလုပ်တဲ့ ဟောပြောဆွေးနွေးပွဲကို စာရေးဆရာ ချစ်နိုင်(စိတ်ပညာ)က လမ်းမတော်မြို့နယ် ၉ လမ်းမှာ ဟောပြောဆွေးနွေးခဲ့ပါတယ်။ ကုန်သွယ်မှု၊ ကုန်ထုတ်လုပ်မှုနှင့် ၀န်ဆောင်မှု စတဲ့ အသက်မွေးမှုအားလုးံနှင့်  မိသားစု၊ ရပ်ရွာ လူအဖွဲ့အစည်းတွင် မဖြစ်မနေလိုတဲ့အရာတစ်ခုမှာ လူမှုဆက်ဆံရေးဖြစ်ပြီး ဒီလူမှုဆက်ဆံရေး မှာလည်း  ရုပ်ဝတ္တုပစ္စည်းတွေက အရေးကြီးကဏ္ဍတွင် မပါဝင်ပဲ လူကသာ အရေးကြီးကဏ္ဍမှာ ပါဝင်တယ်လို့ သိရပါတယ်။

လူမှုဆက်ဆံရေးကောင်းမွန်ပါမှ ၀န်ဆောင်မှု အရည်အသွေးကောင်းမွန်နိုင်ပြီး ၀န်ဆောင်မှု ကောင်းပါမှ မိမိဆောင်ရွက်လိုတဲ့ အရာများ အောင်မြင်နိုင်မယ်လို့ အဆိုပါဟောပြောပွဲမှ သိရပါတယ်။ လူမှုဆက်ဆံရေးကောင်းမွန်နိုင်ရန် သဘောထားအမြင်၊ စိတ်ခံစားချက်၊ မျက်နှာထားနှင့် အမူအရာဟန်ပန်၊ စကားသံနှင့် စကားလုံးစတဲ့ အခြေခံအချက်တွေကို လိုက်နာဖို့လိုအပ်တယ်လို့ ဆိုပါတယ်။ စိတ်ပညာအသင်းက တာဝန်ရှိသူကတော့ စိတ်ပညာရပ်ဟာ နယ်ပယ်အသီးသီးမှာ ပါဝင်နေတာကြောင့် ဒီပညာရပ်ကို တိုးတက်အောင်ရွက်နေတယ်လို့ ဆိုပါတယ်။

ဒီဟောပြောပွဲကို နယ်ပယ်အသီးသီးက လူငယ်တွေနှင့် စိတ်ပညာကို စိတ်ဝင်စားသူတွေ လာရောက်နားထောင်ကြပြီး မေးခွန်းများလည်းမေးမြန်းခဲ့ကြပါတယ်။ဒီဟောပြောပွဲကို မြန်မာနိုင်ငံ စိတ်ပညာအသင်းက ဦီးစီးပြုလုပ်တာ ဖြစ်ပြီးအသင်းမှာ အသင်းသားဦးရေ ၃၀၀ ကျော်ရှိကာ စိတ်ပညာနှင့် ပတ်သက်ပြီး လစဉ်ဟောပြောပွဲတွေ လူမှုဆက်ဆံရေး၊ ကုန်သွယ်ရေး၊ ၀န်ဆောင်မှုတွေနဲ့ ပတ်သတ်တဲ့ စိတ်ပညာဆိုင်ရာ သင်တန်းတွေကို ဖွင့်လှစ်လျက်ရှိတယ်လို့ သိရပါတယ်။

 

 

Related News