ဇာတ်လမ်းတို“3rd Myanmar Youth Micro Film ” ပြိုင်ပွဲအတွက် လျှောက်လွှာများ စတင်ခေါ်ယူနေပြီလို့  ဆူးလေရှန်ဂရီလာဟိုတယ်မှာ ဇွန်လ၂၀ရက်ကပြုလုပ်ခဲ့တဲ့ သတင်းစာရှင်း လင်းပွဲမှ သိရပါတယ်။ မြန်မာ့ရုပ်ရှင် ပိုမိုဖွံ့ဖြိုးတိုးတက်စေရေးနဲ့ အနုပညာရွက်ပုန်းသီးများပိုမိုထွက်ပေါ်လာဖို့အတွက် အထောက်အကူဖြစ်စေရန်ရည်ရွယ်ပြီးတတိယအကြိမ်မြောက်ဇာတ်လမ်းတို 3rd Myanmar Youth Micro Film  ကို ကျင်းပပြုလုပ်တာဖြစ်တယ်လို့ သိရပါတယ်။

ဒီဇာတ်လမ်းတို“3rd Myanmar Youth Micro Film”ပြိုင်ပွဲအတွက်အသက်အရွယ်၊ အလုပ်အကိုင်၊ အရည်အချင်းကန့်သတ်ထားခြင်းမရှိဘူးလို့ သိရပါတယ်။ ပြိုင်ပွဲဝင်ရမယ့် ဇာတ်လမ်းတိုတွေအတွက်ကိုတော့ ကြာချိန် (၃မိနစ်မှ၅မိနစ်) အတွင်းရှိတဲ့ ဇာတ်လမ်းတို    တွေသာ ၀င်ရောက်ယှဉ်ပြိုင်ရမှာဖြစ်တယ်လို့ သိရပါတယ်။ ခေါင်းစဉ် ကိုတော့ သတ်မှတ်ထားခြင်းမရှိဘဲ မိမိစိတ်ကြိုက်လွတ်လပ်စွာရိုက်ကူး ပေါ်ဖော်နိုင်တယ်လို့ သိရပါတယ်။

ဇာတ်လမ်းတိုဖန်တီးမယ့်သူဟာ မြန်မာနိုင်ငံသားဖြစ်ရမှာဖြစ်ပြီး နိုင်ငံရေး၊ လူမှုရေး၊ ဘာသာရေးကိုထိခိုက်ပျက်ပြားစေတဲ့ မည်သည့်အကြောင်းအရာမှ ပါဝင်ရိုက်ကူးခြင်းခွင့်မပြုတဲ့ အပြင် စီးပွားရေးလုပ်ငန်းများ(သို့မဟုတ်) ကုန်ပစ္စည်းများရဲ့အမှတ်တံဆိပ်များကိုတိုက်ရိုက်ဖြစ်စေ သွယ်ဝိုက်ပြီးဖြစ်စေ ပါဝင်ခြင်းမရှိစေရဘူးဆိုတဲ့ စည်းမျဉ်းစည်းကမ်းတွေချမှတ်ထားတယ်လို့ သိရပါတယ်။

ဇာတ်လမ်းတို “3rd Myanmar Youth Micro Film ” ပြိုင်ပွဲပထမအကြိမ်မှာဇာတ်လမ်းတို (၂၂၂)ကား၊ ဒုတိယအကြိမ်မှာဇာတ်လမ်းတို (၁၃၄)ကား ပါဝင်ခဲ့ပြီး ဒီနှစ်ပြိုင်ပွဲအတွက်ပထမဆု  ၆၀၀၀၊ ဒုတိယဆု USD ၃၀၀၀၊ တတိယဆု USD ၂၀၀၀၊ အထူးဆုအဖြစ် USD  ၂၀၀၀၊Huawei Exploration Award အဖြစ် USD ၂၀၀၀၊ People's Choice Award  အတွက် USD ၂၀၀၀ နဲ့ နှစ်သိမ့်ဆုအဖြစ်  USD ၅၀၀ စတဲ့ ဆုကြေးငွေများပါဝင်တယ်လို့ သိရပါတယ်။အခုပြုလုပ်သွားမယ့်ပြိုင်ပွဲဝင်လျှောက်လွှာနဲ့ စည်းကမ်းသတ်မှတ်ချက်တွေကို www.facebook.com/ myanmarmicrofilm  မှာ ဒေါင်းလော့ ရယူပြီး ဇွန်လ(၂၀)ရက်မှ စက်တင်ဘာလ(၃၀)ရက်အထိ လျှောက်လွှာများလျှောက်ထားနိုင်ပြီး ပန်းဘဲတန်းမြို့နယ် (၃၂)လမ်းနဲ့ ဗိုလ်ဆွန်ပက်လမ်းကြားရှိ Monnect Group ကုမ္ပဏီမှာလျှောက်လွှာများ လာရောက်တင်နိုင်တယ်လို့လည်း သိရပါတယ်။ 

 

 

Related News