တောင်ကိုရီးယားထိပ်တန်းတေးဂီတအဖွဲ့တစ်ဖွဲ့ဖြစ်သည့် SISTAR အဖွဲ့အားဖျက်သိမ်းပြီးနောက် အဖွဲ့ဝင်တစ်ဦးဖြစ်သည့် တေးသံရှင် Hyorin ၏ ပထမဦးဆုံးဖြန့်ချိမည့် တေးအယ်လ်ဘမ်တွင် ပါဝင်မည့် တေးသီချင်းသစ်တစ်ပုဒ်အားလာမည့်ဇွန်လ (၂၉) ရက်နေ့တွင် ဖြန့်ချိသွားမည်ဟုသိရှိရသည်။

Hyorinသည် SISTAR အဖွဲ့မဖျက်သိမ်းခင်ကတည်းကသူမ၏ တစ်ကိုယ်တော်တေးအယ်လ်ဘမ်သစ်အတွက် ပြင်ဆင်ခဲ့ခြင်းဖြစ်ပြီးယခုတေးသီချင်းသစ်အား Fruity ဟုအမည်ပေးထားပြီးသူမနှင့်အတူအမျိုးသမီးရက်ပ်အဆိုတော် Kisumကလည်း ပါဝင်ကူညီသီဆိုပေး ထားကြောင်းသိရှိရသည်။

ယင်းတေးသီချင်းအား ဖြန့်ချိပြီးနောက် အယ်လ်ဘမ်သစ်တစ်ခုလုံးကိုမူလာမည့်သြဂုတ်လအတွင်း ဖြန့်ချိသွားမည်ဟုHyorin ၏ အနုပညာအေဂျင်စီ Starship Entertainment က ပြောကြားလိုက်သည်။ SISTAR အဖွဲ့မှ တခြားအဖွဲ့ဝင်များဖြစ်ကြသည့် Soyou နှင့် Dasomတို့သည် Starship Entertainment နှင့် စာချုပ်သစ်ထပ်မံချုပ် ဆိုကာအနုပညာလုပ်ငန်းများဆက်လက်လုပ်ဆောင်သွားမည်ဖြစ်သလို အဖွဲ့ဝင် Bora ကလည်း Hook Entertainment နှင့် စာချုပ်ချုပ်ဆိုကာတစ်ကိုယ်တော်တေးအယ်လ်ဘမ်သစ်ထွက်ရှိနိုင်ရန်အတွက် လိုအပ်သည့်ပြင်ဆင်မှုများအားလုပ် ဆောင်နေပြီဖြစ်ကြောင်းသိရှိရသည်။ 

 

 

Related News