မြန်မာနိုင်ငံက မြို့ကြီး (၁၀)မြို့မှာ ကျင်းပပြုလုပ်သွားမယ့် ငြိမ်းချမ်းရေးဂီတပွဲတော် ၂၀၁၇ ပထမအဆင့် တေးသီချင်းဆိုပြိုင်ပွဲတွေကို အပတ်စဉ် တနင်္ဂနွေနေ့တွေမှာ ကျင်းပပြုလုပ်သွားမယ်လို့ သိရပါတယ်။ ပြည်သူလူထုနှင့် လူငယ်ထုများအကြား ငြိမ်းချမ်းရေးနှင့် ငြိမ်းချမ်းရေးလုပ်ငန်းစဉ်တွေအကြောင်း နားလည်သဘောပေါက်စေရန် ရည်ရွယ်ပြုလုပ်တဲ့ ဒီပြိုင်ပွဲတွေကို တောင်ကြီး၊ မြစ်ကြီးနား၊ လာရှိုး၊ ကလေး၊ စစ်တွေ၊ မန္တလေး၊ မော်လမြိုင်၊ ပုသိမ်၊ နေပြည်တော်နှင့် ရန်ကုန်မြို့တို့မှာ အပတ်စဉ် တနင်္ဂနွေနေ့တိုင်း ကျင်းပပြုလုပ်သွားမယ်လို့ ငြိမ်းချမ်းရေးဂီတပွဲတော် ၂၀၁၇ တေးသီချင်း သီဆိုပြိုင်ပွဲကို ဦးစီးကျင်းပတဲ့ မြန်မာအသံနှင့် ရုပ်မြင်သံကြားမှ တာဝန်ရှိသူ တစ်ဦးက ပြောပါတယ်။ 

ပထမအဆင့်ပြိုင်ပွဲတွေကနေ မြို့တစ်မြို့ကို သုံးဦးနဲ့ ပထမအဆင့်အောင်မြင်သူများအဖြစ် ရွေးချယ်မှာဖြစ်ပြီး စုစုပေါင်း မြို့ဆယ်မြို့မှ ပထမအဆင့်အောင်မြင်သူ (၃၀)ကိုရွေးချယ်မှာပါ။ ဒါ့အပြင် ရွေးချယ်ရေးဒိုင်အဖွဲ့ဝင်တွေအကြိုက် သီဆိုရှင်ပြိုင်သူ(၅)ဦးကိုလည်း သီးခြားရွေးချယ်ပြီး ဒုတိယအဆင့်ပြိုင်ပွဲမှာတော့ ယှဉ်ပြိုင်သူ(၃၅)ဦးက ဆက်လက်ယှဉ်ပြိုင်ရမှာဖြစ်တယ်လို့ သိရပါတယ်။ဂီတဟာ လူသားတွေရဲ့ စိတ်ကိုငြိမ်းအေးစေပြီး တက်ကြွမှုကို ကိုလည်းပေးစေတဲ့အတွက် ငြိမ်းချမ်းရေးနဲ့ ငြိမ်းချမ်းရေးလုပ်ငန်းစဉ်ကို အတောက်အပံ့ ဖြစ်စေနိုင်တယ်လို့ ပြိုင်ပွဲလာရောက် ယှဉ်ပြိုင်သူတစ်ဦးက ပြောပါတယ်။

ငြိမ်းချမ်းရေးဂီတပွဲတော် ၂၀၁၇ တေးဆိုပြိုင်ပွဲဟာ အဆင့်(၃)ဆင့်ယှဉ်ပြိုင်ရမှာ ဖြစ်ကာ ရက်သတ္တပတ်ပေါင်း(၁၆)ပတ် ကြာပြုလုပ်မှာဖြစ်ပြီး နောက်ဆုံးပြိုင်ပွဲကိုတော့ အောက်တိုဘာလ လောက်မှာ ကျင်းပနိုင်မယ်လို့ သိရပါတယ်။ ဒုတိယအဆင့်ပြိုင်ပွဲကို မန္တလေးမြို့မှာ ပြုလုပ်မယ်လို့ သိရပြီး တတိယအဆင့် နောက်ဆုံးပြိုင်ပွဲကို ရန်ကုန်မြို့မှာ ပြုလုပ်မှာ ဖြစ်ပါတယ်။ ပြိုင်ပွဲမှာ ပထမဆုကိုတော့ ငွေကျပ်သိန်းသုးံရာ၊ ဒုတိယဆုကို ကျပ်သိန်းနှစ်ရာ၊ တတိယဆုကိုတော့ ကျပ်သိန်းတစ်ရာ ချီးမြှင့်မှာဖြစ်ပြီး နှစ်သိမ့်ဆု တစ်ဆုကို ကျပ်သိန်းသုံးဆယ်နဲ့ နှစ်သိမ့်ဆု (၇)ဆုချီးမြင့်သွားမှာ ဖြစ်တယ်လို့ သိရပါတယ်။

 

 

 

Related News