မူလက ငြိမ်းချမ်းရေးဂီတပွဲတော် ၂၀၁၇ ကို မြန်မာနိုင်ငံက မြို့ကြီးဆယ်မြို့မှာ ကျင်းပပြုလုပ် စီမံထားပေမဲ့ နောက်ထပ် ဘားအံမြို့မှာပါ ထပ်တိုး ပြုလုပ်သွားမယ်လို့ သိရပါတယ်။ ငြိမ်းချမ်းရေးလုပ်ငန်းစဉ်နှင့် ငြိမ်းချမ်းရေး အနှစ်သာရ တို့ကိုသိရှိနားလည်စေရန် ရည်ရွယ်ပြီး ပြုလုပ်နေတဲ့ ငြိမ်းချမ်းရေးဂီတပွဲတော် ၂၀၁၇ တေးသီဆိုပြိုင်ပွဲ ကို သွားရေးလာရေးလွယ်ပြီး အချက်အချာကျတဲ့ မြို့တွေမှာ ကျင်းပြုလုပ်မှာဖြစ်ပေမဲ့ ကရင်ပြည်နယ်တွင်းမှာ မူလက ကျင်းပဖို့ စီစဉ်ခဲ့တာမျိုး မရှိခဲ့ဘူးလို့ သိရပါတယ်။
 
ဒါပေမဲ့ ကရင်ပြည်နယ်အတွင်း ယှဉ်ပြိုင်လိုသူတွေက ဂီတပွဲတော်ကို ကျင်းပပေးဖို့တောင်းဆိုလာတာကြောင့် ဘားအံမြို့မှာလည်း ထပ်တိုးကျင်းပ သွားမှာဖြစ်တယ်လို့ မြန်မာ့အသံနှင့်ရုပ်မြင်သံကြားက ညွှန်ကြားရေးမှူးချုပ် ဦးမြင့်ထွေးက ပြောပါတယ်။
ငြိမ်းချမ်းရေးဂီတပွဲတော်ပြုလုပ်တာဟာ လူငယ်ထုအတွင်း ငြိမ်းချမ်းရေး လုပ်ငန်းစဉ်နှင့် ငြိမ်းချမ်းရေး အသိကို လူငယ်တွေ စိတ်ထဲ ကိန်းအောင်း ဖြစ်တည်ရင် အကျိုးအမြတ်တစ်ခု လို့ မျှော်လင့်ကြောင်းနဲ့ ဂီတပွဲတော် ကျင်းပမယ့် မြို့တွေမှာ ငြိမ်းချမ်းရေးဂီတပွဲကို ဦးစီး ကျင်းပတဲ့ မြန်မာအသံနှင့် ရုပ်မြင်သံကြားက  ပရဟိတလုပ်ငန်းတွေကိုလည်း လုပ်ဆောင်သွား မယ်လို့ ဆိုပါတယ်။
 
ဘားအံမြို့မှာကျင်းပမယ့် ငြိမ်းချမ်းရေးဂီတပွဲတော် ၂၀၁၇ တေးသီချင်းဆိုပြိုင်ပွဲကို ၀င်ရောက်ယှဉ်ပြိုင်လိုသူတွေ အနေနဲ့  လျှောက်လွှာတွေကို ဘားအံ၊ ကော့ကရိတ်၊ လှိုင်းဘွဲ့ နှင့် မြ၀တီ မြို့တွေရှိ ပြန်ဆက်ရုးံတွေမှာ ဇူလိုင် ၁၃ ရက်မှ စတင်ပြီး ထုတ်ယူ လျှောက်ထားနိုင်ပြီ လို့ သိ ရပါတယ်။
 
 

Related News