မြန်မာနိုင်ငံဂီတအစည်းအရုံး(ဗဟို)ရဲ့ ရွေးကောက်ပွဲကို လာမယ့်ဒီဇင်ဘာလမှာကျင်းပသွားမှာ ဖြစ်တယ်လို့ သိရပါတယ်။ လက်ရှိအမှုဆောင်ကို (၂၀၁၂)ခုနှစ် စက်တင်ဘာလမှာ ဖွဲ့စည်းခဲ့တာဖြစ်ပြီး လက်ရှိအမှုဆောင် သက်တမ်းဟာ (၅)နှစ်ပြည့်ပြီဖြစ်တာကြောင့် အမှုဆောင်ပြန်လည်ဖွဲ့စည်းတာ ဖြစ်တယ်လို့ သိရပါတယ်။
 
သတ်မှတ်ထားတဲ့ အသင်းဝင်ကြေး ပေးသွင်းသူဂီတအစည်းအရုံးဝင်များသာအမှုဆောင်အဖြစ် ၀င်ရောက်ရွေးချယ်ခံရမှာဖြစ်သလို သီချင်းခွေထုတ်လုပ်ပြီးသူ၊ သီချင်းများသီဆိုဖူးသူ၊ ရေးဖူးသူ၊ သီချင်းခွေများ ထုတ်လုပ်ဖြန့်ချီဖူးသူစတဲ့ ဂီတလှုပ်ရှားမှုရှိဖူးသူများသာ အရွေးချယ်ခံခွင့်ရှိမှာ ဖြစ်တယ်လို့သိရပါတယ်။
 
ရွေးကောက်ပွဲ ကော်မရှင်ကို လာမယ့် နိုဝင်ဘာလအတွင်း အလွှာတစ်ခုကို (၃)ဦးစီနဲ့ မြန်မာနိုင်ငံဂီတအစည်းအရုံးရဲ့ နာယက၊ အကြံပေးတွေနဲ့ ဖွဲ့စည်းသွားမှာဖြစ်တယ်လို့ သိရပါတယ်။ အမှုဆောင်ရွေးချယ်ပွဲကို ဒီဇင်ဘာလ(၁၁)ရက်မှာ မဟာဂီတအလွှာ၊(၁၂)ရက်နေ့မှာ ကာလပေါ် ဂီတအလွှာ၊(၁၃)ရက်နေ့မှာ ခေတ်ပေါ်စတူဒီယိုအလွှာ၊(၁၄)ရက်နေ့မှာ ခေတ်သစ်ဂီတအလွှာ၊ (၁၅)ရက်နေ့မှာ ထုတ်လုပ်ဖြန့်ချီနဲ့ စက်မှုအလွှာတို့အတွက် မဲပေးရွေးချယ်သွားမှာ ဖြစ်တယ်လို့ သိရပါတယ်။ နောက်အမှုဆောင် သက်တမ်းကိုတော့ ဇန်န၀ါရီလအတွင်း တာဝန်ထမ်းဆောင်နိုင်အောင် စီစဉ်သွားမှာဖြစ်တယ်လို့သိရပါတယ်။ 
 
 

Related News