(၂၀၁၇)ခုနှစ်အတွက် စာရင်းဝင်ရုပ်ရှင်ဇာတ်ကားများကို ဇန်န၀ါရီ (၈)ရက်ကစတင်ပြီး အကဲဖြတ်မှုတွေ ပြုလုပ်နေပြီလို့သိရပါတယ်။ ခိုင်ကညာသွယ်က တင်ဆက်ပေးသွားမှာပါ။
 
(၂၀၁၇)ခုနှစ်အတွက် စာရင်းဝင်ရုပ်ရှင်ဇာတ်ကား (၅၃)ကားရှိနေပြီး  ဒီဇာတ်ကားတွေကို ဇန်န၀ါရီလ (၈)ရက်ကစတင်ပြီး တစ်နေ့ကို ရုပ်ရှင်(၂)ကားနှုန်းနဲ့ မြန်မာနိုင်ငံရုပ်ရှင်အစည်းအရုံးဝင်း အတွင်းရှိ ရုပ်ရှင်ရုံမှာ ပထမအဆင့်စတင်စိစစ်နေပြီ ဖြစ်ပါတယ်။ ဒီလိုစိစစ်နိုင်ဖို့ အလွှာအသီးသီးက အနုပညာရှင်(၃၀)ဦးက သက်ဆိုင်ရာအလွှာအလိုက် စိစစ်အကဲဖြတ်နေတာဖြစ်ပြီး စိစစ်ရွေးချယ်ရေး အဖွဲ့မှာ ပါဝင်တဲ့ အလွှာအသီးသီးမှတစ်ဦးစီကတော့ ဆုများအားလုံးအတွက် အကဲဖြတ်ပေးသွားမှာ ဖြစ်တယ်လို့ သိရပါတယ်။
 
နိုင်ငံခြားရုပ်ရှင်ဇာတ်ကားများကို မှီငြမ်းထားတဲ့ ရုပ်ရှင်ဇာတ်ကားတွေကိုတော့ ဇာတ်ကားဆု၊ ဒါရိုက်တာဆု၊ ဇာတ်ညွှန်းဆုတွေ ပေးအပ်သွားမှာမဟုတ်ဘူးလို့ သိရပါတယ်။ အခြားသော သရုပ်ဆောင်ပိုင်း၊ ဓာတ်ပုံ၊ ဂီတ၊ တည်းဖြတ်နဲ့ ဇာတ်ညွှန်းဆုများအနေနဲ့လည်း ပုံတူကူးချကြောင်း တွေ့ရှိရင်ပေးအပ်သွားမှာ မဟုတ်ဘူးလို့ သိရပါတယ်။ ဇာတ်ညွှန်းဆုနဲ့ ပတ်သက်ပြီးတော့လည်း ဇာတ်ညွှန်းစာအုပ်မတင်ပြလာရင် အကဲဖြတ် ပေးသွားမှာမဟုတ်ဘူးလို့ သိရပါတယ်။
 
ရုပ်ရှင်ဇာတ်ကားတွေကို ပထမအဆင့်အနေနဲ့ ဆုစာရင်းဝင်ဇာတ်ကားအားလုံးကို ရွေးချယ်သွားမှာ ဖြစ်ပြီး အဲ့ဒီဆုစာရင်းဝင် ဇာတ်ကားများထဲမှ နောက်တစ်ဆင့် ဆက်လက်ရွေးချယ်သွားမယ်လို့ သိရပါတယ်။
 
မြန်မာ့ရုပ်ရှင်အဆင့်မြှင့်တင်ရေးအတွက် နှစ်တစ်နှစ်အတွင်း အကောင်းဆုံးထူးချွန်ဆု (၁၁)ဆုအပြင် ထူးခြား သောအနုပညာရှင်အတတ်ပညာရှင်များပေါ်ထွက်လာပါက အထူးဆုကိုပါ ပေးအပ်သွားမှာ ဖြစ်တယ်လို့သိရ ပါတယ်။ ဒါ့အပြင် ဒီနှစ်မှာ ရုပ်ရှင်တစ်သက်တာဆုကိုပါ ထည့်သွင်းပေးအပ်သွားမယ်လို့ သိရပါတယ်။
 
 

Related News