၂၀၁၈ ခုနှစ် မြန်မာ ခွေးပြပွဲကို လှိုင်မင်္ဂလာခန်းမမှာ ဇန်န၀ါရီ ၁၃ ရက်နဲ့ ၁၄ ရက် စုစုပေါင်း နှစ်ရက် ပြုလုပ်မှာဖြစ်ပြီး ပါဝင်ယှဉ်ပြိုင်တဲ့ အိမ်မွေးခွေး တွေကို FCI လက်မှတ်ရပြီးသား နိုင်ငံတကာမှ အကဲဖြတ်ဒိုင်တွေက နိုင်ငံတကာ စံနှုန်းနဲ့အညီ ရွေးချယ်ဆုပေးသွားမှာ ဖြစ်ပါတယ်။၂၀၁၈ ခုနှစ် မြန်မာ ခွေးပြပွဲမှာ နိုင်ငံတကာ အဆင့်မီ ခွေးပြိုင်ပွဲ  ထည့်သွင်းထားပြီး ပါဝင်ယှဉ်ပြိုင်တဲ့ အိမ်မွေးခွေးတွေကို အကဲဖြတ်ဒိုင်တွေကFCI  နိုင်ငံတကာ စံနှုန်းနဲ့အညီ တိုင်းတာစစ်ဆေးမှာ ဖြစ်ပါတယ်။
 
အိမ်မွေးခွေး အမျိုးအစား ၉ မျိုး ပါဝင်ယှဉ်ပြိုင်ဖို့ သတ်မှတ်ထားပြီး ပွဲစဉ် ၅၅ ခု အတွင်း အုပ်စုအလိုက်၊ အမျိုးအစား အလိုက် အကောင်းဆုံး ဆုတွေ ပေးအပ်သွားမှာ ဖြစ်ပါတယ်။ ခွေးပြပွဲတွေအတွင်း အိမ်မွေးတိရစ္ဆာန်မွေးမြူသူနဲ့ ၀ါသနာရှင်တွေ တွေ့ဆုံပြီး အတွေ့အကြုံ တွေ ဖလှယ်နိုင်ရန်၊ ပြည်တွင်းမှာ အိမ်မွေးတိရစ္ဆာန် မျိုးကောင်းမျိုးသန့်တွေ ပေါ်ထွက်လာရန်၊ နိုင်ငံတကာ စံမီတဲ့ ခွေးပြိုင်ပွဲတွေ ဖြစ်ပေါ်လာရန်နဲ့ တိရစ္ဆာန်ကနေ တစ်ဆင့် လူကို ကူးစက်တတ်တဲ့ ရောဂါတွေကို အသိပညာပေးပြီး ကျန်းမာရေး အဆင့်အတန်း မြင့်မားလာရန်စတဲ့ရည်ရွယ်ချက် တွေနဲ့ ပြပွဲကို ပြုလုပ်တာဖြစ်ပါတယ်။
 
ဒီလို FCI  နိုင်ငံတကာ စံနှုန်းနဲ့ ရွေးချယ်တဲ့ ခွေးပြိုင်ပွဲတွေ ပြုလုပ်တာကြောင့် မြန်မာနိုင်ငံရှိ အိမ်မွေးခွေးတွေရဲ့ စံနှုန်းကို  နိုင်ငံတကာမှ အဆင့်အတိုင်းအတာ တစ်ခု အထိ သတ်မှတ်ပေးနိုင်ပြီး ပြည်တွင်း မျိုးစပ်ခွေးတွေကို ပြည်ပတင်ပို့နိုင်တဲ့ အဆင့်တစ်ခု အထိ ရောက်ရှိလာမှာဖြစ်တယ်လို့သိရပါတယ်။၂၀၁၈ ခုနှစ် မြန်မာခွေးပြပွဲကို မြန်မာနိုင်ငံ မွေးမြူရေး လုပ်ငန်း အဖွဲ့ချုပ်နဲ့ မြန်မာနိုင်ငံ အိမ်မွေးတိရစ္ဆာန် မွေးမြူသူများအသင်းတို့ ပူးပေါင်းပြုလုပ်တာဖြစ်ပြီး အိမ်မွေးခွေး ပစ္စည်းဆိုင်ခန်း ၂၆ ခန်း ပါဝင်ပြသ ရောင်းချခဲ့ပါတယ်။ မြန်မာနိုင်ငံ အိမ်မွေးတိရစ္ဆာန် မွေးမြူသူများအသင်းကို ၂၀၀၆ ခုနှစ် ဇန်န၀ါရီလတည်းက တည်ထောင်ခဲ့တာဖြစ်ပြီး ခွေးပြပွဲတွေကို ပုံမှန် ပြုလုပ်ခဲ့တယ်လို့ သိရပါတယ်။
 
 
 

Related News