အမှိုက်ကောက် ပရဟိတလှုပ်ရှားမှုများနဲ့ ဂျပန်(၁၀)ပြားဈေးရောင်းပွဲမှ ဆိုင်ခန်းပိုင်ရှင်တွေကို ဂုဏ်ပြုမှတ်တမ်းလွှာပေးအပ်ပွဲကို မတ်လ(၁၀)ရက်က ရန်ကုန်မြိှု့  Sakura Hotel မှာ ပြုလုပ်ခဲ့ပါတယ်။ မြန်မာ-ဂျပန် လူမှုစီးပွားဖွံ့ဖြိုးတိုးတက်ရေးအသင်းမှ ပြုလုပ်ခဲ့တဲ့ အမှိုက်ကောက်ပရဟိတ လှုပ်ရှားမှုများ၊ ဂျပန်(၁၀)ပြား ဈေးရောင်းပွဲမှာ ပူးပေါင်းပါဝင်ခဲ့ကြတဲ့ ဆိုင်ခန်းပိုင်ရှင်များ၊ Volunteer များနဲ့ မြန်မာ-ဂျပန် လူမှုစီးပွားဖွံ့ဖြိုးတိုးတက်ရေးအသင်းမှ ဖွင့်လှစ်ထားတဲ့ ဂျပန်စာသင်တန်းမှ စာမေးပွဲအောင်မြင်ခဲ့တဲ့ ကျောင်းသား၊ ကျောင်းသူတွေကို ဂုဏ်ပြုမှတ်တမ်းလွှာ ပေးအပ်ခဲ့ပါတယ်။
 
မြန်မာ-ဂျပန် လူမှုစီးပွားဖွံ့ဖြိုးတိုးတက်ရေးအသင်းအနေနဲ့ တစ်လမှာ (၂)ကြိမ် ဂျပန်စတိုင် (၁၀)ပြားဈေးရောင်းပွဲကို ပြုလုပ်လျက်ရှိတဲ့ အပြင် ရန်ကုန်မြို့သန့်ရှင်းသာယာရေး အတွက်ကို ရန်ကုန်မြို့ တော်စည်ပင်သာယာရေးကော်မတီနဲ့ ပူးပေါင်းပြီးအမှိုက်ကောက် ကန်ပိန်းတွေလည်း ပြုလုပ်နေတာဖြစ်ပါတယ်။
 
မြန်မာ-ဂျပန်လူမှုစီးပွားဖွံ့ဖြိုးတိုးတက်ရေးအသင်းနဲ့ ဂျပန်နိင်ငံ syefedifiHECC International Foreign Language School တို့ ပူးပေါင်းဖွင့်လှစ်ထားတဲ့ နိုင်ငံခြားဘာသာသင်တန်းမှ စာမေးပွဲအောင်မြင် ထားတဲ့ ကျောင်းသား၊ကျောင်းသူတွေထဲမှ ထူးချွန်တဲ့ကျောင်းသား၊ကျောင်းသူတွေကို ဒီဂုဏ်ပြုမှတ် တမ်းလွှာပေးအပ်ပြီးလျှင် ဂျပန်နိုင်ငံမှာ ပညာတော်သင်သွားရောက် သင်ကြားခွင့်ရရှိမှာဖြစ်တယ်လို့ သိရပါတယ်။
 
ယခုပြုလုပ်ခဲ့တဲ့ ဂုဏ်ပြုမှတ်တမ်းလွှာပေးအပ်ပွဲမှာ ဂျပန်(၁၀)ပြား ဈေးရောင်းပွဲမှာ ပူးပေါင်းပါဝင်ခဲ့ကြတဲ့ ဆိုင်ခန်းပိုင်ရှင်များ၊ Volunteer များနဲ့ မြန်မာ-ဂျပန် လူမှုစီးပွား ဖွံ့ဖြိုးတိုးတက်ရေးအသင်းမှ ဖွင့်လှစ်ထားတဲ့ ဂျပန်စာသင်တန်းမှ စာမေးပွဲအောင်မြင်ခဲ့တဲ့ ကျောင်းသား၊ ကျောင်းသူတွေအပါအ၀င် လူဦးရေ(၁၀၀)နီးပါး တက်ရောက်ခဲ့ကြပါတယ်။
 
 

Related News