ဂျာမနီနိုင်ငံသားဓာတ်ပုံဆရာLukas Birkစုဆောင်းစီစဉ်တဲ့  မြန်မာ့ဓာတ်ပုံဆရာများ ဓာတ်ပုံပြပွဲမှာ လူငယ်များလာရောက်လေ့လာမှုအများဆုံးဖြစ်ခဲ့ပြီး ရာခိုင်နှုန်းအားဖြင့် (၇၀)ရာခိုင်နှုန်းထိရှိခဲ့တယ်လို့ သိရပါတယ်။ ဂျာမနီနိုင်ငံသားဓာတ်ပုံဆရာLukas Birkစုဆောင်းစီစဉ်တဲ့ မြန်မာ့ဓာတ်ပုံဆရာများ ဓာတ်ပုံပြပွဲကို ဖေဖော်ဝါရီလ (၁၈)ရက်ကနေ မတ်လ(၁၁)ရက်အထိ ရန်ကုန်မြို့ရှိဝန်ကြီးများရုံးမှာ ကျင်းပပြုလုပ်ခဲ့တာ ဖြစ်ပါတယ်။

ဒီပွဲကိုဝန်ကြီးများမှာရုံးမှာပြသခဲ့တာကြောင့်လူငယ်တွေ စိတ်ဝင်စားမှုရှိခဲ့ပြီး တက်္ကသိုလ်များမှ ကျောင်း သား၊ကျောင်းသူတွေပါလာရောက်လေ့လာကြတယ်လို့ သိရပါတယ်။ ပွဲအတွင်း ဓာတ်ပုံရိုက်ကူးသူတွေများပြား တာကြောင့် အနုပညာကို ခံစားလိုသူတွေအတွက် အနှောက်အယှက်ဖြစ်တာမျိုးတွေ ရှိခဲ့တယ်လို့ ပွဲတာဝန် ခံကပြောပါတယ်။စုဆောင်းစီစဉ်သူ ဓာတ်ပုံဆရာက ရှေးဟောင်းပစ္စည်းရောင်းဝယ်သူတွေထံက သိမ်းဆည်းထားတဲ့ ဓာတ်ပုံတွေ နဲ့ ဓာတ်ပုံစတူဒီယိုများမှ ဓာတ်ပုံ (၁၀၀၀)ခန့်ကိုဝယ်ယူ စုဆောင်းခဲ့ပြီး အဲ့ဒီဓာတ်ပုံတွေထဲက စတူဒီယိုများမှာ ရိုက်ကူးထားသော ဓာတ်ပုံများ၊ အပျော်တမ်းပုဂ္ဂလိက ဓာတ်ပုံများ၊ စာနယ်ဇင်းကြော်ငြာသုံးဓာတ်ပုံများပါဝင်တယ်လို့ သိရပါတယ်။

အဲ့ဒီထဲကမှ ဓာတ်ပုံပေါင်း (၄၀၀)ကျော်ကိုပြပွဲမှာ ပြသခဲ့တယ်လို့ သိရပါတယ်။ဒီပြပွဲမှာ မြန်မာနိုင်ငံကို ဓါတ်ပုံလုပ်ငန်း ရောက်ရှိလာပြီး ဓါတ်ပုံလုပ်ငန်းကို စီးပွားဖြစ် စတင်လုပ်ကိုင်တဲ့ သူတွေရဲ့ သမိုင်းကြောင်းတွေ မြန်မာနိုင်ငံမှာ ခေတ်အလိုက် အသုးံပြုခဲ့ကြတဲ့ ဓါတ်ပုံပညာတွေကိုလည်း ပြသပေးထားခဲ့တာပါ။ ဒီဓာတ်ပုံပြပွဲနဲ့အတူ မြန်မာဓာတ်ပုံဆရာများစာအုပ်ကို စတင်မိတ်ဆက်ကာရောင်းချ ပေးခဲ့တယ်လို့ သိရပါတယ်။

 

 

Related News