အမျိုးသားယဉ်ကျေးမှုနှင့် အနုပညာတက်္ကသိုလ်(ရန်ကုန်)မှ ပန်းချီကျောင်းဆင်းတွေနဲ့ ပန်းချီဆရာတွေရဲ့ ပန်းချီပြပွဲကို မတ်လ(၁၁)ရက်ကနေ(၁၂) ရက်အထိရန်ကုန်မြို့ ယောမင်းကြီး လမ်းရှိ Gallery 65 မှာ ပြသနေပါတယ်။ပန်းချီပြပွဲမှာ အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)မှ ပန်းချီပန်းပုကျောင်း ဆင်းတွေရဲ့ ပန်းချီလက်ရာတွေနဲ့ တက္ကသိုလ်မှာ သင်ကြားပေးနေတဲ့ ပန်းချီဆရာတွေရဲ့ ပန်းချီကားတွေအပါအ၀င် ပန်းချီဆရာ(၁၄)ဦး ပါဝင်ရေးဆွဲပြသထားတာပါ။ 

မင်နဲ့ ရေးဆွဲထားတဲ့ ပန်းချီကားအများစုပါဝင်ပြီး ပန်းချီကားပေါင်း (၈၁)ကား ပြသလျက်ရှိတာပါ။ပန်းချီကားတွေကတော့ မြန်မာဆန်ဆန်ပန်းချီကားတွေ၊ ရှုခင်းပုံပန်းချီကားတွေနဲ့ နယ်ဘက်တွေမှတိုင်းရင်းသားတွေရဲ့ ရိုးရာပုံပန်းချီကားတွေပါဝင်ပြီး  ပန်းချီစိတ်ဝင်စားတဲ့ ၀ယ်ယူလိုသူတွေကိုလည်းရောင်းချသွားမှာဖြစ်ပါတယ်။

ပန်းချီကားဈေးနှုန်းတွေကတော့ပန်းချီကားတစ်ကားကို အနည်းဆုံးငွေကျပ် (၂)သိန်းမှအများဆုံး ငွေကျပ်သိန်း(၂၀)အထိ ဖြစ်တယ်လို့ သိရပါတယ်။ အခုလက်ရှိ ပန်းချီဈေးကွက်မှာ ယခင်နှစ်တွေကထက် ရောင်းအားကျဆင်းလာတယ်လို့ ပန်းချီဆရာများထံမှသိရပါတယ်။

 

 

 

Related News