၂၀၁၈ခုနှစ် ရန်ကုန်သင်္ကြန်အတွက် နေရာ(၉၅)ခုမှာ ဖျော်ဖြေရေးနဲ့ ရေကစားမဏ္ဍပ်တွေကို ခွင့်ပြုမှာဖြစ်ပြီး မဟာဗန္ဓုလပန်းခြံမှာ လမ်းလျှောက်သင်္ကြန် သုံးမျိုးနဲ့ ကမ်းနားလမ်းပေါ်မှာ တိုင်းရင်းသားအလိုက် သင်္ကြန်တွေရှိမယ်လို့သိရပါတယ်။

ကန်တော်ကြီးပတ်လမ်း၊ကမ္ဘာအေးဘုရားလမ်းနဲ့တက္ကသိုလ်ရိပ်သာလမ်းတွေကလွဲရင် နေရာ(၉၅) ခုမှာ သင်္ကြန်မဏ္ဍပ်တွေ ဆောက်လုပ်ခွင့်ပြုသွားမယ်လို့သိရပါတယ်။ ဖျော်ဖြေရေးနဲ့ရေကစားမဏ္ဍပ် တွဲလျက်အတွက် နေရာ(၆၅)ခုနဲ့ ဖျော်ဖြေရေးသီးသန့်မဏ္ဍပ်အတွက် နေရာ(၃၅)ခုမှာ လျာထားတယ်လို့ သိရပါတယ်။

မဏ္ဍပ်လျှောက်လွှာတွေကိုတော့ မတ်လ(၂၅)ရက်နေ့ နောက်ဆုံးထားလျှောက်ထားရမှာ ဖြစ်ပါတယ်။ မဏ္ဍပ်ဆောက်လုပ်ခွင့်အတွက် မတ်လ(၂၁)ရက်နေ့အထိ လျှောက်လွှာ(၆၀)ကျော် လာရောက် ထုတ်ယူထားပြီး လျှောက်လွှာပြန်တင်တာတော့ (၅)ခုလောက်သာရှိသေးတယ်လို့ သိရပါတယ်။

မြို့နယ်အလိုက်ဦးဆောင်ပြုလုပ်မယ့် မဏ္ဍပ်တွေပါ ပါရင် အခုနှစ်ရန်ကုန်သင်္ကြန်မှာ မဏ္ဍပ်ပေါင်း (၂၀၀)နီးပါး ရှိလိမ့်မယ်လို့ မဏ္ဍပ်နေရာချထားပေးရေးကော်မတီထံကသိရပါတယ်။ဒါ့အပြင် အရင်နှစ်နဲ့မတူတဲ့ နန်းတွင်းသင်္ကြန်၊ကျေးလက်သင်္ကြန်နဲ့ ခေတ်ပေါ်သင်္ကြန်ဆိုပြီး လမ်း လျှောက်သင်္ကြန်သုံးမျိုးကိုလည်း မဟာဗန္ဓုလပန်းခြံမှာ ပြုလုပ်မှာဖြစ်ပြီး ကမ်းနားလမ်းပေါ် ဘဏ်(၃)နား ကနေ လမ်းမတော်နားအထိ တိုင်းရင်းသားလူမျိုးအလိုက် ရိုးရာသင်္ကြန်မဏ္ဍပ်တွေလည်း ရှိမယ် လို့သိရပါတယ်။

အခုနှစ် ရန်ကုန်သင်္ကြန်မှာတော့ သံချပ်နဲ့ဖျော်ဖြေရေးမဏ္ဍပ်တွေပါဝင်လာမှာဖြစ်ပြီး ဖျော်ဖြေရေးမဏ္ဍပ်တွေကို ညပိုင်းအထိခွင့်ပြုမယ်လို့လည်းသိရပါတယ်။ပြီးခဲ့တဲ့နှစ် ရန်ကုန်သင်္ကြန်မှာတော့ မဏ္ဍပ်အကြီး၊အလတ်၊အသေး စုစုပေါင်း (၁၁၃)ခုခွင့်ပြုခဲ့ပြီး အင်းလျားကန်အပါအ၀င် မြို့တော်စည်ပင်ရေပေးဝေရေးစနစ်တွေကတဆင့် ရေဂါလန်(၄၇.၅)သန်း သုံးခွဲခဲ့တယ်လို့သိရပါတယ်။

 

 

Related News