ခိုကိုးရာမဲ့ တိရစ္ဆာန်လေးများကို  ကယ်ဆယ်ရန်နှင့်  ကူညီကယ်ဆယ်ပေးလျက်ရှိတဲ့ အဖွဲ့အစည်းတွေကို  ပြန်လည်လှူဒါန်းနိုင်ရန်အတွက်  ပန်းချီဆရာ၊ ဆရာမများ စုပေါင်းပြီး မေလ(၅)ရက်မှ မေလ(၇)ရက်နေ့ အထိရန်ပုံငွေပန်းချီပြပွဲကို 43 Art Gallery မှာ ပြုလုပ်ခဲ့ပါတယ်။ခိုကိုးရာမဲ့တိရစ္ဆာန်လေးတွေကို ကယ်ဆယ်ပြီးကူညီစောင့်ရှောက်ပေးနေတဲ့ ဂေဟာတွေ အများအပြား ပေါ်ပေါက်လာပြီး အဲ့ဒီဂေဟာတွေမှာ လိုအပ်တဲ့ အကူအညီတွေကို လုပ်ဆောင် ပေးနိုင်ရန်အတွက် ရည်ရွယ်ပြီး အခုလိုပန်းချီပြပွဲတွေပြုလုပ်ခဲ့တာဖြစ်ပါတယ်။ ရန်ပုံငွေပန်းချီပြပွဲမှာ ပန်းချီဆရာ၊  ဆရာမပေါင်း(၁၀၀)က ပန်းချီကား (၂၀၃)ကားကို ရေးဆွဲပြသခဲ့တာ ဖြစ်ပါတယ်။

ပန်းချီကားတွေကို ရေဆေး၊ ဆီဆေး၊ အခရိုင်းလစ်၊Digital ၊ Water Colour ၊ Colour Pencil စတာတွေနဲ့ ရေးဆွဲထားပြီး ပန်းချီကားတစ်ကားကို  အမေရိကန်ဒေါ်လာ(၂)သောင်းကနေ ဒေါ်လာ (၁)ထောင်   အထိရောင်းချခဲ့တာဖြစ်ပါတယ်။ ရောင်းချပြီးရရှိလာတဲ့ငွေကြေးတစ်ဝက်ကို မော်လမြိုင်၊ ရေစကြို၊ မြင်းခြံ၊ မှော်ဘီ၊ မန္တလေးတိုင်းဒေသကြီးစတဲ့ မြို့များနဲ့ ခိုကိုးရာမဲ့ တိရစ္ဆာန်တွေကို  ကယ်ဆယ်တဲ့ဂေဟာတွေမှာ  သွားရောက်လှူဒါန်းမှာဖြစ်ပါတယ်။ခိုကိုးရာမဲ့ တိရစ္ဆာန်လေးများကို  ကယ်ဆယ်ရန်နှင့် ကူညီပေးရန်ပြုလုပ်တဲ့ ရန်ပုံငွေပန်းချီပြပွဲကို (၂၀၁၇)ခုနှစ်က ပထမအကြိမ် ပြုလုပ်ခဲ့ပြီး အခုအကြိမ်ကတော့ ဒုတိယအကြိမ်မြောက်ပြုလုပ်တာ ဖြစ်တယ်လို့ သိရပါတယ်။

 

 

Related News