နှလုံးသားထဲကပုဂံ ဓာတ်ပုံပြပွဲကို မေလ(၁၃)ရက်မှ မေလ(၁၅) ရက်အထိ(၃)ရက်ကြာ ရန်ကုန်မြို့ အမျိုးသားပြတိုက်မှာ ပြသနေတာဖြစ်ပါတယ်။မြန်မာ့အမွေအနှစ် ပုဂံကနေ ကမ္ဘာ့အမွေအနှစ် ပုဂံသို့တက်လှမ်းနိုင်ရန်၊ World Heritage Bagan 2019  ကို ကြိုဆိုတဲ့အထိမ်းအမှတ်အဖြစ်  နှလုံးသားထဲက ပုဂံဓာတ်ပုံပြပွဲကို ကျင်းပတာ ဖြစ်ပါတယ်။ ဓာတ်ပုံပြပွဲမှာ ဓာတ်ပုံဆရာ(၁၀၀)ကျော်က ပုဂံမြို့မှာရှိတဲ့ တန်ခိုးကြီးဘုရားတွေ အပါအ၀င် ယဉ်ကျေးမှု၊ သဘာဝအလှတရားတွေကို ရိုက်ထားတဲ့ ဓာတ်ပုံကားပေါင်း (၂၀၀) ၀န်းကျင်ကို ပြသထားတာဖြစ်ပါတယ်။

အခုပြသထားတဲ့ ဓါတ်ပုံပြပွဲမှာ ပြသထားတဲ့ ဓာတ်ပုံတွေကို ကိုယ်တိုင်ရိုက်ကူးထားတဲ့   ဓာတ်ပုံဆရာတွေက  ဓာတ်ပုံရောင်းလို့ ရတဲ့ငွေကြေးတွေကို ပုဂံကဘုရားတွေပြန်လည်ထိန်းသိမ်းတဲ့ လုပ်ငန်းတွေမှာ ပြန်လည်လှူဒါန်းသွားမှာဖြစ်တယ်လို့ သိရပါတယ်။နှလုံးသားထဲကပုဂံ ဓာတ်ပုံပြပွဲကို (၂၀၁၈)ခုနှစ်၊ မတ်လ(၂)ရက်မှ (၄)ရက်အထိ ပုဂံယဉ်ကျေးမှုဒေသရှိ မင်းနန်သူဘုရား၊ ဒုတိယအကြိမ်အဖြစ် မတ်လ(၂၃)ရက်မှ (၂၇)ရက်အထိ ရွှေစည်းခုံဘုရားနဲ့ အာနန္ဒာဘုရားတို့မှာ ပြသခဲ့ပြီး တတိယအကြိမ်ကိုတော့ ရန်ကုန်မှာ ပြုလုပ်ခဲ့တာ ဖြစ်ပါတယ်။ 

 

 

 

 

 

Related News