မသန်စွမ်းအမျိုးသမီးခေါင်းဆောင်မှုကဏ္ဍ မြှင့်တင်ရေးအတွက် မြန်မာနိုင်ငံမသန်စွမ်းသူများ အသင်းချုပ်က ဆောင်ရွက်နေတယ်လို့ မေလ(၂၃)ရက်က မန္တလေးမြို့ မသန်စွမ်း သက်ငယ်သင်တန်းကျောင်းမှာ ပြုလုပ်တဲ့ မသန်စွမ်းအမျိုးသမီး ခေါင်းဆောင်မှုမြှင့်တင်ရေး သင်တန်းဖွင့်ပွဲအခမ်းအနားမှသိရပါတယ်။
 
မြန်မာနိုင်ငံမှာ မသန်စွမ်းသူအမျိုးသား၊ အမျိုးသမီးမှာစုစုပေါင်း (၂.၃)သန်းရှိနေပြီး (၅၆%)ဟာ အမျိုးသမီးမသန်စွမ်းသူများဖြစ်နေတယ်လို့သိရပါတယ်။ အခုချိန်မှာ မသန်စွမ်း အမျိုးသမီးတွေရဲ့ အခန်းကဏ္ဍကို မြှင့်တင်ပေးဖို့နဲ့ အရည်ချင်းပြည့်ဝတဲ့ မသန်စွမ်းအမျိုးသမီး ခေါင်ဆောင်တွေ ပေါ်ထွက်လာစေဖို့ လိုအပ်လာတယ်လို့ ပြောပါတယ်။
 
မြန်မာနိုင်ငံမသန်စွမ်းသူများ အသင်းချုပ်အနေနဲ့ မသန်စွမ်းအမျိုးသမီးခေါင်းဆောင်မှုကဏ္ဍ မြှင့်တင်ရေးဆောင်ရွက်နေတယ်လို့ မသန်စွမ်းအမျိုးသမီးကော်မတီ ဥက္ကဋ္ဌ ဒေါ်ခင်မျိုးစုက ပြောပါတယ်။ မသန်စွမ်းအမျိုးသမီးခေါင်းဆောင်မှုကဏ္ဍ မြှင့်တင်ရေးအတွက် မြန်မာနိုင်ငံမသန်စွမ်းသူများ အသင်းချုပ်ကမသန်စွမ်းအမျိုးသမီး၊ မိန်းကလေးငယ်များနှင့် ကလေးသူငယ်များ မူလအခွင့်အရေး ကော်မတီမှ ဦးဆောင်ပြီးသင်တန်းတွေပြုလုပ်ပေးနေပါတယ်။
 
ရန်ကုန်မှာ (၂၀၁၇)ခုနှစ်က ပထမဆုံးအကြိမ် ပြုလုပ်ခဲ့ပြီး ယခုနှစ်မှာ ဒုတိယအကြိမ်အဖြစ် မန်္တလေးမြို့မှာ ပြုလုပ်ပေးနေပါတယ်။ ဒီသင်တန်းတွေမှာ အမျိုးသမီး ခေါင်းဆောင်မှု၊ ကုလသမဂ်္ဂက မသန်စွမ်းသူများအခွင့်ရေးဆိုင်ရာသဘောတူစာချူပ်၊ လူအခွင့်အရေး၊ မသန်စွမ်သူများအခွင့်ရေး ဥပဒေနဲ့ နည်းဥပဒေ၊ ကလေးသူငယ်အခွင့်ရေးတွေသင်ကြားပေးမယ်လို့ ပြောပါတယ်။
 
ယခုမန္တလေးမြို့မှာပြုလုပ်နေတဲ့ မသန်စွမ်းအမျိုးသမီးခေါင်းဆောင်မှုကဏ္ဍမြှင့်တင်ရေး သင်တန်းမှာ မသန်စွမ်းအမျိုးသမီး စုစုပေါင်း(၁၅)ဦးကို သင်ကြားပေးနေပြီး မေလ ၂၃ရက်မှ ၂၇ရက်ထိ (၅)ရက် သင်ကြားပေးနေတာဖြစ်တယ်လို့ သိရပါတယ်။
 
 
 

Related News