မြန်မာနိုင်ငံနဲ့ ဖိလစ်ပိုင်နိုင်ငံကြား သံတမန်ဆက်ဆံရေးအထိမ်းအမှတ်အဖြစ် Philippine Cultural Night ဖျော်ဖြေပွဲကို ဇွန်လ(၉)ရက် ညက ရန်ကုန်မြို့အမျိုးသားဇာတ်ရုံ မှာပြုလုပ်ခဲ့ပါတယ်။ ဒီပွဲကိုတော့ မြန်မာနိုင်ငံဆိုင်ရာ ဖိလစ်ပိုင်သံရုံးနဲ့ ဖိလစ်ပိုင်ယဉ်ကျေးမှုနှင့်အနုပညာဆိုင်ရာအမျိုးသားကော်မရှင်တို့က ပူးပေါင်းကျင်းပတာဖြစ်ပြီး ဖျော်ဖြေပွဲကိုတော့ မြန်မာနိုင်ငံဆိုင်ရာ ဖိလစ်ပိုင်သံအမတ်ကြီးနဲ့ သံရုံးကတာဝန်ရှိသူတွေ ၊ အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)ကတာဝန်ရှိသူတွေနဲ့ ကျောင်းသားကျောင်းသူတွေ တက်ရောက်ခဲ့ပါတယ်။


ဖိလစ်ပိုင်အဆိုတော် Young JV ရဲ့ဖျော်ဖြေမှုတွေ၊ ဖိလစ်ပိုင်ရဲ့ နာမည်ကြီးအနုပညာအဖွဲ့ ဗရာနီဟန်ရဲ့ ဖျော်ဖြေမှုတွေပါဝင်ခဲ့ပါတယ်။ ဖိလစ်ပိုင်ရိုးရာတူရိယာတွေနဲ့အတူ ရိုးရာအဆိုအကတွေ၊ယဉ်ကျေးမှုကို ဖော်ညွှန်းတဲ့ ပြကွက်တွေ၊ စပ်ိန်မူဟန် အကတွေ၊ခေတ်ပေါ်အကတွေနဲ့ဖျော်ဖြေခဲ့ပါတယ်။မြန်မာနိုင်ငံနဲ့ဖိလစ်ပိုင်နိုင်ငံဟာ ၁၉၅၆ခုနှစ်မှာ သံတမန်ဆက်ဆံရေးစတင်ခဲ့တာဖြစ်ပြီး Philippine Cultural Night ဖျော်ဖြေပွဲကိုသံတမန်ဆက်ဆံရေး (၆၂)နှစ်ပြည့်အထိမ်းအမှတ်အနေနဲ့ပြုလုပ်တာဖြစ်ပါတယ်။

 

 

Related News