စွယ်စုံမီဒီယာဂရု(ပ်)သုတစွယ်စုံစာအုပ်တိုက်မှ နှစ်စဉ် သုတစွယ်စုံစာပေဆုများချီးမြှင့်လျက်ရှိရာမှာ ၂၀၁၆ ခုနှစ်အတွက် သုတစွယ်စုံစာပေဆုများ ချီးမြှင့်တဲ့အခမ်းအနားကိုတော့ ဇွန်လ(၉)ရက်နေ့က ဆူးလေရှန်ဂရီလာဟိုတယ်မှာပြုလုပ်ခဲ့ပါတယ်။ သုတစွယ်စုံအုပ်တိုက်မှ စာပေဆုတွေကို စိစစ်ရွေးချယ်ရာမှာတော့ သုတစွယ်စုံစာပေဆုရွေးချယ်ချီးမြှင့်ရေးအဖွဲ့ ဖွဲ့စည်းထားပြီး  နှစ်စဉ် ဇန်န၀ါရီ (၁)ရက်နေ့မှ ဒီဇင်ဘာ (၃၁)ရက်အတွင်း တရားဝင်ထုတ်ဝေထားသော စာအုပ်များကိုအခြေခံပြီး ရွေးချယ်တယ်လို့သိရပါတယ်။

၂၀၁၆ ခုနှစ်အတွက် ဆုရွေးချယ်ရာမှာတော့ သုတစွယ်စုံစာပေဆု( ဘာသာပြန်စာပေ)၊ သုတစွယ်စုံစာပေဆု (နိုင်ငံတကာရေးရာ)၊ သုတစွယ်စုံစာပေဆု (အတ္ထုပ္ပတ္တိစာပေ)၊ သုတစွယ်စုံစာပေဆု(စာပဒေသာ)၊ သုတစွယ်စုံစာပေဆု( ရည်ညွှန်းစာပေ)၊ သုတစွယ်စုံစာပေဆု( သုတသိပ္ပံ)၊ သုတစွယ်စုံစာပေဆု (အသုံးချသိပ္ပံဆု) သုတစွယ်စုံတစ်သက်တာစာပေဆု ဆိုပြီး ရွေးချယ်ချီးမြှင့်ခဲ့တာဖြစ်ပါတယ်။

သုတစွယ်စုံတစ်သက်တာစာပေဆုကိုတော့ စာရေးဆရာကြီး ဦးတင်ခ(တက္ကသိုလ်တင်ခ) ကို ပေးအပ်ခဲ့ပါတယ်။ ဆရာကြီးရဲ့ ၀ါသနာ အားထုတ်မှုကို တစ်သက်တာဟုခေါ်ဆိုရမယ့် အချိန်ကာလတစ်ခုနဲ့ ယှဉ်ပြီးတွက်ချက်၍ ရနိုင်အောင် အားထုတ်ဆောင်ရွက်မှုများသည် သိသာထင်ရှားသည့်အတွက် သုတစွယ်စုံစာပေဆုကို ပေးအပ်ခဲ့တာဖြစ်ပါတယ်။ သုတစွယ်စာအုပ်တိုက်အနေနဲ့ သုတစွယ်စာပေဆုတွေကို ၂၀၀၄ ခုနှစ်မှစတင် ချီးမြှု့င့်ခဲ့တာဖြစ်ပြီး အခုဆို (၁၃)ကြိမ်မြောက်ရှိပြီဖြစ်ပါတယ်။

သုတစွယ်စာပေဆုတွေကို ရန်ပုံငွေထားရှိပြီး ရာသက်ပန်ချီးမြှင့်သွားမှာဖြစ်တယ်လို့ စွယ်ဆုံမီဒီယာဂရုပ် ဥက္ကဋ္ဌဖြစ်တဲ့ ဒေါက်တာတင်ထွန်းဦးရဲ့ပြောကြားချက်အရသိရပါတယ်။

 

 

Related News