ရန်ကုန်မြို့တော် စည်ပင်သာယာရေးကော်မတီမှ ကြီးမှူးကျင်းပမယ့် (၂၀၁၈)ခုနှစ် ပြည်သူ့နီတိပြိုင်ပွဲ ရေးဖြေ နှုတ်ဖြေ စာမေးပွဲကို နိုဝင်ဘာလအတွင်းမှာ ကျင်းပသွားမယ်လို့ ဇွန်လ(၁၁)ရက်က မြို့တော်ခန်းမမှာ ပြုလုပ်ခဲ့တဲ့ ပထမအကြိမ် လုပ်ငန်းညှိုနှိုင်းအစည်းအဝေးပွဲကနေ သိရပါတယ်။ဒုတိယအကြိမ်မြောက် ကျင်းပပြုလုပ်မယ့် ပြည်သူ့နီတိပြိုင်ပွဲ ရေးဖြေနှုတ်ဖြေစာပေးပွဲကို မူလတန်းအဆင့်၊ အလယ် တန်းအဆင့်နဲ့ အထက်တန်းအဆင့်ဆိုပြီး အဆင့်(၃)ဆင့်ခွဲကာ ကျင်းပပြုလုပ်သွားမှာ ဖြစ်ပါတယ်။ ဒီနှစ်မှာ ရန်ကုန်တိုင်းဒေသကြီးအတွင်းက မြို့နယ်ပေါင်း(၄၄)မြို့နယ်မှာ ကျောင်းအဆင့်နဲ့ မြို့နယ်အဆင့် စာမေးပွဲတွေ ကျင်းပသွားမှာဖြစ်ပြီး မြို့နယ်အဆင့် စာပေးပွဲတွေကို စက်တင်ဘာလ(သို့မဟုတ်) အောက်တိုဘာလကျောင်း ပိတ်ရက်အတွင်း ကျင်းပသွားမှာ ဖြစ်ပါတယ်။ မြို့နယ်အဆင့်မှာ ဆုရရှိသူတွေက နိုဝင်ဘာလမှာ ကျင်းပမယ့် ဗဟိုအဆင့်စာမေးပွဲကို ၀င်ရောက်ဖြေဆိုရမှာ ဖြစ်ပါတယ်။

မနှစ်ကကျင်းပခဲ့တဲ့ ပြည်သူ့နီတိရေးဖြေနှုတ်ဖြေ စာမေးပွဲမှာ မူလတန်း၊အလယ်တန်းနဲ့ အထက်တန်းအဆင့်မှ ကျောင်းသား၊ ကျောင်းသူပေါင်း(၂၆၀)ကျော် ၀င်ရောက်ဖြေဆိုခဲ့ပြီး ဒီနှစ်မှာ အခြေခံပညာကျောင်းတွေက ကျောင်းသား၊ ကျောင်းသူတွေအပြင် ကိုယ်ပိုင်ကျောင်းများနဲ့ ၊ ဘုန်းတော်ကြီးသင်ပညာရေး ကျောင်းတွေမှ ကျောင်းသား၊ ကျောင်းသူတွေပါ ပါဝင်နိုင်ဖို့ဆောင်ရွက်နေတယ်လို့ ပြည်သူ့နီတိပြိုင်ပွဲ ရေးဖြေနှုတ်ဖြေစာမေးပွဲ ကျင်းပရေးလုပ်ငန်းညှိုနှိုင်းအစည်းအဝေးမှာ ထည့်သွင်းပြောကြားခဲ့တာ ဖြစ်ပါတယ်။ဒါ့အပြင် ဒီနှစ်မှာတော့ ပြင်ပဖြေဆိုလိုသူတွေနဲ့ တက္ကသိုလ်အဆင့်ပါ ထည့်သွင်းကျင်းပဖို့ စီစဉ်နေပြီး ချီးမြှင့်မယ့် ဆုနဲ့ ဆုကြေးကိုတော့ ထပ်မံညှိုနှိုင်းသွားမယ်လို့ သိရပါတယ်။

 

 

Related News