ဂီတပညာရှင် ဓိရာမိုရ်က မြန်မာ့သီချင်းကြီး အပုဒ်(၁၀၀၀)ကို ပြန်လည်တီးခတ်ပြီး library အဖြစ်ထားရှိသွားလို့သိရပါတယ်။ ယဉ်ယဉ်မွန်က ဆက်လက်တင်ဆက်ပေးမှာဖြစ်ပါတယ်။မြန်မာ့သီချင်းကြီး စတင်ပေါ်ပေါက်ခဲ့တဲ့အချိန်ကစလို့ နှစ်ပေါင်း(400)အတွင်းက မြန်မာ့သီချင်းကြီးတွေကို အစအဆုံးပြန်လည်တီးခတ်ပြီး libraryအဖြစ်ထားရှိသွားမှာပါ။

ဒါဟာ မြန်မာ့သီချင်းတွေကို ထိန်းသိမ်းဖို့အတွက်ရည်ရွယ်သလို နောင်လာနောင်သားတွေအတွက် မြန်မာ့သီချင်းကြီးတွေကို သိစေချင်တဲ့ရည်ရွယ်ချက်နဲ့ ပြန်လည်တီးခတ်နေတာလို့ဂီတပညာရှင် ဓိရာမိုရ်က ပြောပါတယ်။ လက်ရှိမှတော့ သီချင်းအပုဒ်တစ်ထောင်အတွက်တီးခတ်မှု ရှစ်ဆယ်ရာခိုင်နှုန်းအထိ ပြီးစီးနေပြီလို့သိရပါတယ်။

မြန်မာ့သီချင်းတွေစုစည်းထားတဲ့ library ထဲကိုဝင်လိုက်တာနဲ့ သီချင်းတွေရဲ့ နာမည် ရာဇ၀င် ရေးသားခဲ့သူ ပေါ်ပေါက်ခဲ့တဲ့ခေတ် အစရှိတာတွေကို ဖော်ပြထားမှာဖြစ်ပါတယ်။ မြန်မာ့သီချင်းကြီးအပုဒ်၁၀၀၀မှာ ပါဝင်တဲ့အမျိုးအစားတွေကတော့ မြန်မာ့ဂီတ၊ ကာလပေါ်၊ သဘင်ဂီတ၊ မြန်မာ့ဆိုင်း၊ ကျေးလက်၊ နတ်ချင်း၊ လက်စွမ်းပြ အစရှိတဲ့ အမျိုးအစားတွေပါဝင်တယ်လို့သိရပါတယ်။ လက်ရှိမှာတော့ သီချင်း 111 ပုဒ်ကို လာမယ့်ဇွန်လ (15)ရက်မှာ အင်တာနက်စာမျက်နှာပေါ်တင်ပေးသွားမယ်လို့သိရပါတယ်။

 

 

 

 

Related News