ပြစ်မှုဆိုင်ရာကိစ္စရပ်တွေမှာ မှုခင်းဆေးပညာနှင့် ပတ်သတ်တဲ့ အကြောင်းတွေကို ရန်ကုန်ရှေ့နေများအသင်းက ဦးစီးပြီး  ဇွန်လ(၁၇)ရက်က ရန်ကုန်မြို့  Orchid Hotel မှာပြုလုပ်ခဲ့တာဖြစ်ပါတယ်။ တရားရုံးတွေ၊ အခြားမူခင်းကိစ္စများနဲ့ ပြစ်မှုဆိုင်ရာပြဿနာတွေကို ဖြေရှင်းရာမှာ မှုခင်းဆေးပညာလဲပါဝင်တာဖြစ်ပြီး  ဒီဆေးပညာရပ် တွေကို  ဥပဒေပညာသင်ကြားနေတဲ့ ကျောင်းသား၊ ကျောင်းသူတွေ၊ လက်ရှိတရားခွင်မှာ လုပ်ဆောင်နေတဲ့ ရှေ့နေတွေ၊ ဥပဒေရေးရာပညာရှင်တွေအတွက်  မှုခင်းဆေးပညာတွေကို ကျယ်ကျယ်ပြန့်ပြန့်သိရှိနားလည်စေဖို့ အခုလိုပြုလုပ်တာ ဖြစ်တယ်လို့ပြောပါတယ်။မှုခင်ဆေးပညာမှာ ဥပဒေရေးရာရောဂါဗေဒ၊ ဆေးလက်တွေ့ဆိုင်ရာမှုခင်းပညာ၊ သိပ္ပံဆိုင်ရာမှုခင်းဆေးပညာနှင့် အဆိပ်ဗေဒဆိုင်ရာမှုခင်းဆေးပညာတို့ ပါဝင်တာဖြစ်ပါတယ်။

မှုခင်းဆေးပညာကတော့  တရားစီရင်ရာမှာ ဥပဒေမှာပါရှိတဲ့ ပြဌာန်းချက်ကိုအတည်ပြုပေးခြင်း၊ ပတ်ဝန်းကျင်အထောက်အထားသက်သေခံအဖြစ် အသုံးပြုခြင်း၊ သက်သေတစ်ဦး၏ ရုံးတော်ရှေ့ထွက်ဆိုချက်မှန်ကန်မှု ရှိ/မရှိ ဆိုသည်ကို တရားသူကြီးမှ ချင့်ချိန်နိုင်စေရန်၊ ရုတ်တရက်မမျှော်လင့်ပဲ သေဆုံးမှုများနှင့် သံသယဖြစ်ဖွယ်ရာအခြေအနေရှိသော သေဆုံးမှုတွေမှာ သေဆုံးရတဲ့ရောဂါနှင့်ဖြစ်ပွားပုံတို့ကို ဖော်ထုတ်နိုင်ခြင်းစတဲ့ အချက်တွေကို ဖြေရှင်းနိုင်မှာဖြစ်တယ်လို့ သိရပါတယ်။ပြစ်မှုဆိုင်ရာကိစ္စများတွင် မှုခင်းဆေးပညာရဲ့ အသုးံဝင်ပုံကို ဟောပြောပွဲတွေပြုလုပ်ပြီး အများပြည်သူတွေနှင့် လက်ရှိရှေ့နေအလုပ်ကို လုပ်ကိုင်နေသူတွေကို သိရှိစေရန်အတွက် ကျယ်ကျယ်ပြန့်ပြန့်လုပ်ဆောင်သွားမယ်လို့ သိရပါတယ်။ 

 

 

Related News