ကျင်းပပြီးစီးခဲ့တဲ့ (၅၅)ကြိမ်မြောက် မြန်မာကျောက်မျက်ရတနာပြပွဲမှာ ပုလဲ၊ကျောက်မျက်နဲ့ ကျောက်စိမ်းတွဲတွေကနေ စုစုပေါင်း ယူရိုသန်း(၄၀၀)ကျော်ဖိုး အထိရောင်းချနိုင်ခဲ့တယ်လို့ သိရပါတယ်။  (၅၅)ကြိမ်မြောက် မြန်မာ့ကျောက်မျက်ရတနာပြပွဲကို နေပြည်တော်ရှိ မဏိရတနာကျောက်စိမ်းခန်းမမှာ ဇွန်လ၂၀ရက်ကနေ ၂၉ရက်အထိ (၁၀)ရက်ကြာပြုလုပ်ခဲ့တာပါ။

ပြပွဲမှာပုလဲ၊ ကျောက်မျက်နဲ့ ကျောက်စိမ်းအတွဲပေါင်း (၇၄၉၁)တွဲကို အိတ်ဖွင့်တင်ဒါစနစ်နဲ့ ရောင်းချဖို့ပြသခဲ့ပြီး (၅၆၆၉)တွဲကို ရောင်းချနိုင်ခဲ့ကာ စုစုပေါင်းယူရိုငွေ (၄၂၇)ဒသမ(၀၉၅) သန်းဖိုးရောင်းချနိုင်ခဲ့တယ်လို့ သိရပါတယ်။ ကျင်းပပြီးစီးခဲ့တဲ့ (၅၅)ကြိမ်မြောက် မြန်မာကျောက်မျက်ရတနာပြပွဲမှာရောင်းချဖို့ရာအတွက် ပုလဲအတွဲ(၃၆၀)ကို တင်ပြခဲ့ပြီး (၃၄၁)တွဲရောင်းချနိုင်ခဲ့ကာစုစုပေါင်းယူရိုငွေ(၂)ဒသမ(၅၉၈)သန်းဖိုးရောင်းချနိုင်ခဲ့တယ်လို့ သိရပါတယ်။

ဒါ့အပြင်ရောင်းချဖို့တင်ပြခဲ့တဲ့ ကျောက်မျက်အတွဲ(၃၃၆)တွဲအနက်(၆၉)တွဲရောင်းချနိုင်ခဲ့ပြီး စုစုပေါင်းယူရို(၁)ဒသမ(၃၇၉)သန်းဖိုးရောင်းချနိုင်ခဲ့တာဖြစ်ပါတယ်။ ကျောက်စိမ်းအတွဲရောင်းချနိုင်မှုမှာတော့ အများဆုံးဖြစ်ခဲ့ကာ ရောင်းချဖို့ တင်ပြခဲ့တဲ့ ကျောက်စိမ်းအတွဲ(၆၇၉၅)တွဲအနက် (၅၂၅၉)တွဲကို ရောင်းချနိုင်ခဲ့ကာ စုစုပေါင်း ယူရိုငွေ(၄၂၃)ဒသမ(၁၁၈)သန်းဖိုးရောင်းချနိုင်ခဲ့တယ်လို့ သိရပါတယ်။

ယခုပြုလုပ်ခဲ့တဲ့ ၅၅ကြိမ်မြောက် မြန်မာကျောက်မျက်ရတနာပြပွဲဟာ ယခင်ကျင်းပပြီးစီးခဲ့တဲ့ ၅၄ကြိမ်မြောက် မြန်မာကျောက်မျက်ရတနာပြပွဲထက် ကျောက်မျက်ကျောက်စိမ်း ရောင်းချနိုင်မှုအပိုင်းမှာ ယူရိုငွေသန်း၁၀၀နီးပါး လျော့နည်းခဲ့ပါတယ်။ ယခင်ပြုလုပ်ခဲ့တဲ့ ၅၄ကြိမ်မြောက် မြန်မာကျောက်မျက်ရတနာပြပွဲ မှာ ပုလဲရောင်းချမှုမပါဝင်ပဲ ကျောက်မျက်ကျောက်စိမ်းရောင်းချမှုကနေ ယူရို(၅၁၈)ဒသမ(၈၂၄)သန်းဖိုးရောင်းချနိုင်ခဲ့တယ်လို့သိရပါတယ်။

၅၅ကြိမ်မြောက်မြန်မာ့ကျောက်မျက်ရတနာပြပွဲကို တရုတ်၊ ထိုင်း၊ ကနေဒါနဲ့ အမေရိကန်နိုင်ငံတို့က ရတနာကုန်သည် ၃၂၀၉ ဦးနဲ့ ပြည်တွင်းရတနာကုန်သည် ၅၁၂၈ ဦး တက်ရောက်ခဲ့တယ်လို့ သိရပါတယ်။

 

 

 

Related News