မြန်မာနိုင်ငံ ခရီးသွားလုပ်ငန်းရှင်များအသင်းရဲ့ (၁၃) ကြိမ်မြောက် နှစ်ပတ်လည် အထွေထွေအစည်းအဝေးကို ဇွန်လ (၃၀) ရက်က UMFCCI ရဲ့ မင်္ဂလာခန်းမမှာ ပြုလုပ်ခဲ့ပါတယ်။ ယခု ပြုလုပ်တဲ့ နှစ်ပတ်လည် အထွေထွေအစည်းအဝေးမှာ ပြီးခဲ့တဲ့ ဘဏ္ဍာနှစ်အတွင်း မြန်မာနိုင်ငံ ခရီးသွားလုပ်ငန်းရှင်များ အသင်းရဲ့ ဆောင်ရွက်ခဲ့တဲ့ လုပ်ငန်းစဉ်တွေကို ဖတ်ကြားတင်ပြခဲ့ပြီး မြန်မာနိုင်ငံ ခရီးသွားလုပ်ငန်းရှင်များအသင်းရဲ့ အလုပ်မှုဆောင်အဖွဲ့က တစ်နှစ်တာ အသုံးစရိတ် နှစ်ချုပ်ငွေစာရင်းရှင်းတမ်းတွေ ဖတ်ကြားခဲ့ပြီး  ရှေ့ဆက်ဆောင်ရွက်မယ့် လုပ်ငန်းစဉ်တွေကို ရှင်းလင်းတင်ပြခဲ့ပါတယ်။

ဒါ့အပြင်နှစ်ပတ်လည် အစည်းအဝေးမှာ မြန်မာ့ခရီးသွားလုပ်ငန်း ဥပဒေကို ပြင်ဆင်ဖို့ ဆွေးနွေးပွဲတွေ ပြုလုပ်ခဲ့ပြီး ဥပဒေကြမ်းထွက်ရှိလာဖို့ ပြည်သူ့လွှတ်တော်ထံ တင်ပြဆွေးနွေးထားဆဲ ဖြစ်တယ်လို့သိရပါတယ်။ပြီးခဲ့တဲ့ ဘဏ္ဍာရေးနှစ်က မြန်မာနိုင်ငံကို နိုင်ငံခြားသား ခရီးသွား (၁.၆) သန်း နီးပါး ဝင်ရောက်ခဲ့ပြီး အနောက်နိုင်ငံတွေကဝင်ရောက်မှု နှုန်းလျော့ကျခဲ့ပေမယ့် ထိုင်း၊စင်ကာပူ၊ တရုတ်စတဲ့ နိုင်ငံများမှ  ဝင်ရောက်မှုနှုန်းမြင့်တက်ခဲ့တယ်လို့သိရပါတယ်။ ယခု ၂၀၁၈-၂၀၁၉ ဘဏ္ဍာနှစ်မှာတော့ ပြည်ပမှ ခရီးသွားဦးရေ (၃)သန်းကနေ (၄)သန်းအထိ ဝင်ရောက်ဖို့ ရည်မှန်းထားကြောင်း သိရပါတယ်။

 

 

Related News