ရုပ်ရှင်သရုပ်ဆောင်သင်တန်း နဲ့ ရုပ်ရှင်ဒါရိုက်တာသင်တန်း တက်ရောက်မယ့် သင်တန်းသားများနဲ့ မြန်မာနိုင်ငံရုပ်ရှင်အစည်းအရုံးမှတာဝန်ရှိသူများ ဇူလိုင်လ(၂)ရက်မှာ မြန်မာနိုင်ငံရုပ်ရှင်အစည်းအရုံးမှာ တွေ့ဆုံခဲ့ကြပါတယ်။မြန်မာနိုင်ငံရုပ်ရှင်အစည်းအရုံးအနေနဲ့ ရုပ်ရှင်သရုပ်ဆောင်သင်တန်းကို နှစ်စဉ်ဖွင့်လှစ်သင်ကြားပေးနေတာဖြစ်ပြီး ဒီနှစ်မှာတော့ ဒါရိုက်တာသင်တန်းကိုပါ ဖွင့်လှစ်သင်ကြားပေးသွားမယ်လို့သိရပါတယ်။ သင်တန်းတွေကို ဇူလိုင်လ(၉)ရက်မှာ စတင်ဖွင့်လှစ်သင်ကြားပေးသွားမှာဖြစ်ပြီး ၀ါရင့်အနုပညာရှင်တွေကိုယ်တိုင် လာရောက်သင်ကြားပေးသွားမယ်လို့သိရပါတယ်။

သရုပ်ဆောင်နဲ့ ဒါရိုက်တာသင်တန်းအတွက် ဇာတ်ညွှန်းပညာ၊ တည်းဖြတ်ပညာရပ်ပိုင်းဆိုင်ရာများကိုပါ နားလည် သဘောပေါက်အောင် သင်ကြားပေးသွားမယ်လို့သိရပါတယ်။သင်တန်းကို အပတ်စဉ်တနင်္လာနေ့မှ သောကြာနေ့အထိ တစ်ပတ်ကို(၅)ရက်နဲ့ (၃)လသင်ကြားပေးသွားမှာဖြစ်ပြီး သင်တန်းကြေးငွေကျပ်(၃)သိန်း ပေးသွင်းရမယ်လို့သိရပါတယ်။ သင်တန်းအတွက် ပထမပိုင်းမှာတော့ စာတွေ့သီအိုရီပိုင်းတွေကိုသင်ကြားပေးသွားမှာဖြစ်ပြီး နောက်ပိုင်းမှာသာ လက်တွေ့သရုပ်ဆောင်ပိုင်းတွေကို သင်ကြားပေးသွားမယ်လို့သိရပါတယ်။သရုပ်ဆောင်သင်တန်းအတွက် သင်တန်းသားအယောက်(၄၀)နဲ့ ဒါရိုက်တာသင်တန်းအတွက် သင်တန်းသား(၁၅)ယောက်ကိုခေါ်ယူသင်ကြားပေးသွားမယ်လို့သိရပါတယ်။

 

 

Related News