မြန်မာအမျိုးသမီးများနေ့ကိုဂုဏ်ပြုတဲ့အနေနဲ့ ပြည်တွင်းကထူးချွန်တဲ့ အမျိုးသမီးတွေကို (၁၅)ကြိမ်မြောက်အဖြစ် မြန်မာနိုင်ငံအမျိုးသမီးရေးရာအဖွဲ့ချုပ်ကနေ ဂုဏ်ပြုဆုတွေ ချီးမြှင့်ခဲ့တယ်လို့ သိရပါတယ်။ မြန်မာနိုင်ငံ အမျိုးသမီးရေးရာ အဖွဲ့ချုပ်ကနေ ၂၀၁၇ခုနှစ်အတွင်း ပြည်သူ့အကျိုးပြုလုပ်ငန်းတွေ၊ သတ်မှတ်ထားတဲ့ အရည်အချင်း တွေနဲ့ ကိုက်ညီတဲ့ ထူးချွန်အမျိုးသမီးတွေကို ဂုဏ်ပြုဆုတွေချီးမြင့်ခဲ့တာပါ။ ဂုဏ်ပြုဆုတွေကို ၂၀၁၇ခုနှစ်တက္ကသိုလ် ၀င်တန်းစာမေးပွဲမှာ မြန်မာတစ်နိုင်ငံလုံးအမှတ်အများဆုံးရရှိခဲ့တဲ့ မဖြူးခေတ် ၊ ၂၀၁၇ခုနှစ်ထူးချွန်အမျိုးသမီးရဲတပ်ဖွဲ့ဝင် ဒေါ်မျိုးသန္တာဦး၊ ၂၀၁၇ခုနှစ်ထူးချွန်အမျိုးသမီးကြက်ခြေနီ ဒေါ်ဇွန်လေးဝေနဲ့ (၉၃)ကြိမ်မြောက် သွေးလှုဒါန်းခဲ့တဲ့ အမျိုးသမီးသွေးလှူရှင် ဒေါ်သန်းအေးတို့ကို ချီးမြှင့်ခဲ့တာပါ။ ဂုဏ်ပြုဆုတွေကို အထက်ပါအမျိုးသမီးတွေအပြင် ၂၀၁၈ ခုနှစ်အတွင်းအာဆီယံအမျိုးသမီး စီးပွားရေး စွမ်းဆောင် ရှင်ထူးချွန်ဆုရရှိခဲ့သူ(၁၀)ဦးကိုလည်း ပေးအပ်ခဲ့ပါတယ်။

ဒါ့အပြင် မြန်မာနိုင်ငံ အမျိုးသမီးရေးရာ အဖွဲ့ချုပ်ကနေ ပြုလုပ်တဲ့ ကျေးလက်ဒေသအမျိုးသမီးများ ဖွံ့ဖြိုးတိုးတက်ရေးစီမံချက်ကို ကျေးရွာတွေမှာလွှမ်းခြုံမှုအကောင်းဆုံးဖြစ်အောင် လုပ်ဆောင်နိုင်ခဲ့တဲ့ တိုင်းဒေသကြီးနဲ့ ပြည်နယ်တွေက အမျိုးသမီးရေးရာအဖွဲ့ တွေကိုလည်း ဂုဏ်ပြုဆုတွေချီးမြှင့်ခဲ့တယ်လို့သိရပါတယ်။ (၁၅)ကြိမ်မြောက် ထူးချွန်အမျိုးသမီးများဂုဏ်ပြုဆုချီးမြှင့်ပွဲကို ဇူလိုင်လ(၅)ရက်က နေပြည်တော်ရှိ မြန်မာနိုင်ငံ အမျိုးသမီးရေးရာအဖွဲ့ချုပ်ရုံးမှာ ပြုလုပ်ခဲ့ရာ လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနက ဒုတိယ၀န်ကြီးဦးစိုးအောင်အပါအ၀င် မြန်မာနိုင်ငံအမျိုး သမီးရေးရာ အဖွဲ့ချုပ်ကတာဝန်ရှိသူတွေအဖွဲ့ဝင်တွေတက်ေ၇ာက်ခဲ့ကြပါတယ်။မြန်မာနိုင်ငံအမျိုးသမီးရေးရာ အဖွဲ့ချုပ်အနေနဲ့ ထူးချွန်အမျိုးသမီးများဂုဏ်ပြုဆုချီးမြှင့်ပွဲကိုနှစ်စဉ် ဇူလိုင်လ အတွင်းပြုလုပ်ခဲ့ပြီး ယခုနှစ်အပါအ၀င်၁၅ကြိမ်မြောက်ရှိပြီလို့ သိရပါတယ်။

 

 

Related News