(၂၇)ကြိမ်မြောက်နိုင်ငံတကာမျက်မမြင်လမ်းလျှောက်တုတ်နေ့၊ ဖျော်ဖြေရေးမှာ ပါဝင်ဖို့အတွက် ကြည့်မြင်တိုင်မျက်မမြင်ကျောင်းက ပြင်ဆင်မှုပြုလုပ်နေပြီလို့ သိရပါတယ်။လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြိုးဌာန၊ လူမှုဝန်ထမ်းဦးစီးဌာနလက်အောက် ရှိ  ကြည့်မြင်တိုင် မျက်မမြင်ကျောင်းက ဖျော်ဖြေရေးအဖွဲ့မှာ ခေတ်ပေါ်တေးဂီတအဖွဲ့၊ မြန်မာဆိုင်း ၀ိုင်းအဖွဲ့တို့ ဖွဲ့စည်းထားပါတယ်။ အောက်တိုဘာလ(၁၅)ရက်မှာကျရောက်မယ့်(၂၇)ကြိမ်မြောက်နိုင်ငံတကာ မျက်မမြင်လမ်းလျှောက်တုတ်နေ့မှာတော့ ကြည့်မြင်တိုင်မျက်မမြင်ကျောင်းအနေနဲ့ ခေတ်ပေါ်တေးဂီတနဲ့ ပါဝင်ဖျော်ဖြေသွားမယ်လို့ သိရပါတယ်။နိုင်ငံတကာမျက်မမြင်လမ်းလျှောက်တုတ်နေ့ကို  (၁၉၉၁)ခုနှစ် အောက်တိုဘာလ(၁၅)ရက်မှာ စတင်သတ်မှတ်ခဲ့ပြီး မျက်မမြင်တွေလမ်းလျှောက်ရာမှာ မဖြစ်မနေအသုံးပြုတဲ့ တုတ်အဖြူကို ဂုဏ်ပြုတဲ့အနေနဲ့ သတ်မှတ်ပြုလုပ်ခဲ့တာလို့ သိရပါတယ်။(၂၆) ကြိမ်မြောက်နိုင်ငံတကာမျက်မမြင်လမ်းလျှောက်တုတ်နေ့မှာတော့ ကြည့်မြင်တိုင်မျက်မမြင်ကျောင်းမှ ကျောင်းသား၊ ကျောင်းသူ(၁၇၀)ဦးပါဝင်လမ်းလျှောက်ခဲ့ပြီး၊ ယခုနှစ်မှာတော့ ကျောင်းသား၊ ကျောင်းသူ(၁၉၀)ဦးနဲ့ ၀န်ထမ်း(၃၇)ဦးပါဝင် လမ်းလျှောက်သွားမယ်လို့ သိရပါတယ်။

 

 

Related News