မြန်မာနိုင်ငံစာရေးဆရာအသင်းရဲ့ ဒုတိယအကြိမ်ညီလာခံ ဗဟိုဦးစီးအဖွဲ့အစည်းအဝေးကို စက်တင်ဘာ ၂၉ ရက်က ဗိုလ်တထောင်မြို့နယ်၊ သိမ်ဖြူလမ်းပေါ်က ပုံနှိပ်ရေးနှင့် ထုတ်ဝေရေးဦးစီးဌာန ခန်းမမှာ ပြုလုပ်ခဲ့ပါတယ်။ မြန်မာနိုင်ငံစာရေးဆရာအသင်းရဲ့ ဖွဲ့စည်းပုံအခြေခံစည်းမျဉ်း အပိုင်း ၆၊ အပိုဒ် ၄၃ (ခ) အရ စာရေးဆရာအသင်းက ပြုလုပ်တဲ့ ညီလာခံတစ်ခုနဲ့ တစ်ခုအကြားမှာ ဗဟိုဦးစီးအဖွဲ့အစည်းအဝေးကို ပြုလုပ်ပေးရတာ ဖြစ်ပါတယ်။ ဒုတိယအကြိမ် ဗဟိုဦးစီးအဖွဲ့အစည်းအဝေးမှာတော့ တစ်နိုင်ငံလုံးက ဗဟိုဦးစီးကိုယ်စားလှယ် ၂၅၀ နီးပါး တက်ရောက်ဆွေးနွေးခဲ့ကြပြီး အစည်းအဝေးဖွင့်ပွဲကို ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း တက်ရောက်ခဲ့ပါတယ်။

အစည်းအဝေးပွဲမှာ မြို့နယ်အလိုက် စာရေးဆရာအသင်းတွေရဲ့ နှစ်နှစ်တာအတွင်း လုပ်ဆောင်ချက်တွေကို အစီရင်ခံ တင်ပြရပြီး ဘဏ္ဍာရေးစာရင်းတွေ ရှင်းတမ်းထုတ်မှာဖြစ်ပါတယ်။ ဒါ့အပြင် ဗဟိုဦးစီးအဖွဲ့အစည်းအဝေးမှာ မောင်စိမ်းနောင်(လယ်ဝေး)ရဲ့ မြန်မာကဗျာ၏တန်ဖိုးစာတမ်းကို ထည့်သွင်းဖတ်ကြားသွားမယ်လို့သိရပါတယ်။ မြန်မာနိုင်ငံ စာရေးဆရာအသင်းရဲ့ ပထမအကြိမ် ညီလာခံကို ပြီးခဲ့တဲ့ ၂၀၁၂ခုနှစ် ကပြုလုပ်ခဲ့ပြီး ဒုတိယအကြိမ် ညီလာခံကိုတော့ ၂၀၁၆ ခုနှစ်က ပြုလုပ်ခဲ့ပြီးဖြစ်ပါတယ်။ကျင်းပပြီးစီးခဲ့တဲ့  ညီလာခံနှစ်ခုအကြားမှာ ဗဟိုဦးစီး အဖွဲ့အစည်းအဝေးတွေ နှစ်ကြိမ် ကျင်းပခဲ့ပြီးကြောင်း သိရပါတယ်။

 

 

Related News