အပြည်ပြည်ဆိုင်ရာဘာသာပြန်နေ့အခမ်းအနားကို စက်တင်ဘာ (၃၀) ရက်က Yangon Book Plazaမှာ ဒုတိယအကြိမ် ကျင်းပခဲ့ပါတယ်။မြန်မာနိုင်ငံ ဘာသာပြန်ကွန်ရက်နဲ့ Peak Point အကယ်ဒမီတို့ပူးပေါင်းပြုလုပ်တဲ့ အပြည်ပြည်ဆိုင်ရာ ဘာသာပြန်နေ့ အခမ်းအနားမှာ ဘာသာပြန်စာပေနဲ့ဆက်စပ်တဲ့ ဆွေးနွေးပွဲ နှစ်ခုပြုလုပ်ခဲ့ပါတယ်။ အတွေ့အကြုံရှိတဲ့ ဝါရင့်ဘာသာပြန် ဆရာတွေ ပါဝင်ဟောပြောခဲ့ပြီး ဘာသာပြန်အဖြစ် အသက်မွေးဝမ်းကျောင်းပြုလိုတဲ့ လူငယ်တွေအတွက် သိသင့်တဲ့ အချက်အလက်တွေ မျှဝေပေးခဲ့တာပဲ ဖြစ်ပါတယ်။ ဆွေးနွေးပွဲမှာတော့ ခေတ်ဟောင်းခေတ်သစ် ဘာသာပြန်အရွေ့၊ မျိုးဆက်သစ်ဘာသာပြန်ဆရာများ ထွက်ပေါ်လာရေးနဲ့ ဘာသာပြန်ဈေးကွက်ဆိုတဲ့ ခေါင်းစဉ်တွေနဲ့ဆွေးနွေးခဲ့ကြပါတယ်။

လက်ရှိစာပေလောကမှာတော့ ဘာသာပြန်အဖြစ် အသက်မွေးဝမ်းကျောင်းပြုနေတဲ့ လူငယ်တွေ ရှားပါးလျက်ရှိပြီး စာဖတ်နှုန်းကျဆင်းနေတာကလည်း ဘာသာပြန်အဖြစ် အသက်မွေးဖို့ခက်ခဲတဲ့ စိန်ခေါ်မှုဖြစ်နေပါတယ်။ ဒါကြောင့် မျိုးဆက်သစ် ဘာသာပြန်တွေ ပေါ်ထွက်ရေးအတွက် မြန်မာနိုင်ငံ ဘာသာပြန်ကွန်ရက်က ထုတ်ဝေသူတွေနဲ့ပူးပေါင်းပြီး  Yangon Translation Society ကို ထူးထောင်ကာ ဘာသာပြန်လက်ရာအသစ်တွေကို ထုတ်ဝေပေးနေကြာင်းသိရပါတယ်။ မြန်မာနိုင်ငံ ဘာသာပြန်ကွန်ရက်မှာ အသင်းဝင်ထားတဲ့ လူဦးရေ သုံးရာကျော်ရှိနေပြီး ဘာသာပြန်အဖြစ် အသက်မွေးလိုတဲ့ လူငယ်တွေအတွက် ဘာသာပြန်သင်တန်းတွေ ဖွင့်လှစ်ပေးထားပြီး  မြန်မာနိုင်ငံ ဘာသာပြန်ကွန်ရက်က ဘာသာပြန်စံနှုန်း သတ်မှတ်ရေး ကြိုးပမ်းနေတယ်လို့သိရပါတယ်။

 

 

Related News